711

representación da batalla de Guadalete
es.wikipedia.org
Martínez Cubells

o casamento do fillo de Pipino de Heristal, Grimoaldo, con Theudesinda, filla do rei frisio Radbod consolida as relacións entre francos e frisios.

abril, 23: morre Childeberto III e sucédeo Dagoberto III, fillo seu e menor.

abril, 27: tras meses de preparativos, Musa ibn Nusayr envía a Hispania un exército moito maior ao mando de Tariq ibn Ziyad (7000 homes), que desembarca nun promotorio (logo denominado Gebel al-Tariq, na súa honra). Derrota un sobriño de Roderico, ao mando dun pequeno continxente. E logo parten cara Hispalis, onde o bispo era irmán de Witiza e contan co seu apoio.

Roderico está no norte loitando contra os vascos, que apoian a Akhila. Marcha cara o sur e chega a Corduba, de onde, tras descansar oito días, sae para facer fronte aos musulmáns.

reconstrución do templo Hōryū-ji en Xapón.

xullo, 19: a batalla acontece onde o Guadalete, próximo a Cadiz. Unha parte das tropas godas deserta no propio campo de batalla e os musulmáns vencen a Roderico, que desaparece.

Tariq envía destacamentos a capturar Corduba e Hispalis.

outubro: Toletum abre as súas portas aos vencedores.

novembro, 4: Philippicus Bardanes provoca unha rebelión de Quersonea coa axuda dos xázaros. Xustiniano II sae de Constantinopla cara a Crimea pero Philippicus derrótao no norte de Anatolia e entra en Constantinopla, onde é proclamado basileus e Xustiniano é executado (decembro, 11).

logo do saqueo dun barco árabe por parte de piratas cerca da boca do Indus, árabes sirios baixo Mohammed ben al-Qasim invaden Sind, en India, con 10000 homes e 6000 cabalos, establecendo un sultanato. Qasim envía expedicións a Surashtra, onde establecen asentamentos pacíficos cos Rashtrakuta.

Mohammed caputra Multan logo dun longo asedio e saquea Punjab.

Theudebert, duque de Baviera.

Toniná, cidade maia ataca Palenque e fai prisioneiro a K’inich K’an Joy Chitam II. No seu lugar entronizan a un tal Xok.

a derrota goda fai que a comunidade xudía poida volver a manifestarse como tal.

o sur da baixa Saxonia sofre enormes inundacións.

Philippicus Bardanes, monotelista, provoca rexeitamento en Italia.

decembro: Theodora, a emperatriz bizantina, escapa con Tiberio (seis anos), fillo de Xustiniano II, a un santuario pero Philippicus envía soldados que o sacan de alí e o executan inmediatamente logo de quitalo do recinto sagrado.

Ansprando, duque de Asti, regresa do exilio a Italia cun gran continxente bávaro. Únenselle moitos austriacos.

Berhfrith dirixe unha campaña contra os pictos e derrótaos en Manaw Gododdin.

as tropas bizantinas amotínanse e matan ao exarca Xoán Rhizocope en Ravenna e elixen un xefe propio.

710

www.ikuska.com

Witiza (30 anos) nomea sucesor a Akhila, fillo seu, e morre pouco despois. Roderico rebélase en Baetica. O primeiro controla o norte e o segundo o sur. No norte e Septimania habería grupos nobres godos e indíxenas pero tamén suevos en Gallaecia.

marzo, 1: Roderico toma Toletum e Akhila pide axuda aos musulmáns en Ifriqiya. O gobernador de Septem Ylyan (o Xulián cristián) fora vasalo de Witiza pero participa activamente no ataque contra Roderico.

Akhila envía dous medios irmáns a Septem para que Ylyan medie con Tariq ibn Ziyad, berber ou persa, gobernador de Tanxer.

abril, 5: Zhong Zong fai que os principais ministros, xenros e altos oficiais participar nunha festa dentro dun palacio en Chang’an.

primavera: finaliza o periodo Asuka, a segunda e última parte do periodo Yamato; comeza o periodo Nara e Heijō-kyō é agora a capital.

xullo, 3: o emperador é asasinado, quizás envelenado pola emperatriz Wei, que non consegue instalar a súa filla Li Guo’er como herdeira.

xullo, 25: a princesa Taiping e seu sobriño Li Longji organizan un golpe no que morre Wei e restauran a Rui Zong como emperador.

unifícanse os reinos de Nobatia e Makuria, baixo o rei do segundo reino.

xullo: al-Walid encarga a Musa ibn Nusayr unha expedición de recoñecemento a Hispania que dirixe Tarif Abú Zará, que parte de Tanxer con 400 homes e desembarca na actual Tarifa, saqueando unha sección do litoral.

Quersonea rebélase contra Xustiniano II con axuda xázara, que envía unha flota baixo o patrikios Estevo, que toma a cidade e restablece o control bizantino. A flota é desfeita por unha tormenta na volta, mentres que a cidade volve rebelarse.

o xeneral bizantino León recupera Abkhazia dos musulmáns para o imperio.

Lupus I, duque da Gascuña, é asasinado mentres tenta tomar Limoges. Eudes convértese en duque de Gascuña e Aquitania.

Ine de Wessex e Nothhelm de Sussex loitan contra Geraint de Dumnonia, que morre en batalla. O avance de Ine faino dono do actual Devon e establece unha base en Taunton.

outubro, 5: Constantino I acepta o convite de Xustiniano II e instálase no palacio do emperador en Nicomedia. O obxectivo é tratar do concilio de 692, o chamado ‘quinisexto’. En Constantinopla non cesan as purgas.

Beorhfrith loita contra os pictos entre Haefe e Caere (entre os ríos Avon e Carron).

Salih I ibn Mansur funda o reino de Nekor no actual Marrocos, ao leste de Tanxer, e converte as tribos berber ao islam.

acaban as obras da mesquita de Al-Aqsa.

outubro, 27: inicio das incursión musulmáns en Cerdeña.

709

Apolinar in Classe, Ravenna
hr.wikipedia.org

Xustiniano II envía unha expedición de castigo a Italia baixo o patrikios Theodoro, con base en Sicilia, para intervir na disputa entre Constantino I e o arcebispo Felix de Ravenna, que reclamaba independencia de Roma. Theodoro entra en Ravenna e arresta a Felix e outros líderes italianos, que son deportados a Constantinopla e logo exilados en Crimea.

Ceolred, rei de Mercia, logo da abdicación de seu curmán Cenred. As rivalidades familiares acaban co exilio forzoso doutro curmán, o príncipe Aethelbald, que foxe aos Crowland Fens, controlados por East Anglia.

Swaefred e Sigeheard de Essex comparten o poder con Offa, que abdica para profesar en Roma xunto con Cenred. Saelred goberna con Swaefberht o reino menor de Middlesex.

Maslamah ibn Abd al-Malik arrasa Isauria e é nomeado gobernador de Armenia e Azerbaixán, sucedendo a seu tío Muhammad ibn Marwan.

Qutayba ibn Muslim consegue finalmente conquistar Bukhara para o califato umayyad. Os príncipes hephtalitas de Tokharistan rebélanse pero son sometidos por Qutayba.

Pipino de Heristal comeza unha campaña contra o duque alamano rebelde Willehari.

Lantfrid e Theudebald dirixen os alamanos á morte de seu pai Gotfrid, duque de todos os alamanos. Lantfrid a parte norte e Theudebald a parte sur.

Musa ibn Nusayr conquista Septem e domina toda Africa, agora Ifriqiya.

708

a lenda di que o emperador Shennong descubriu o te
www.china.org.cn

xaneiro, 15: consagración de Sisinio como bispo de Roma.

marzo, 25: consagración de Constantino I, logo da morte de Sisinio. Continúa unha política de amizade co emperador de Constantinopla.

batalla de Anchialos: Tervel invade Thracia, onde acude Xustiniano II, que é derrotado ao ser superado por un ataque sorpresa da cabalería búlgara dirixida polo propio Tervel. O emperador consegue refuxiarse na cidade e escapa a Constantinopla en barco.

Audoino, bispo de Constanza.

Maslamah ibn Abd al-Malik captura e saquea Tyana logo de derrotar un exército de refresco bizantino. Maslamah inicia outra expedición no verán e derrota outro exército bizantino cerca de Amorium.

Nazaktar Khan, un príncipe turco Shahi aliado co imperio de Tibet, captura Bactria aos umayyad.

agosto, 29: data de acuñación das primeiras moedas de bronce en Xapón.

o té gaña fama entre os chineses; entre outras cousas, polos seus valores mediciñais.

706

hipódromo de Constantinopla, reconstrución
www.estambulguias.com

febreiro, 15: Leontios é sacado á forza do mosteiro no que estaba recluído e enviado ao hipódromo xunto con Tiberio III, inalmente capturado. Alí Xustiniano II preside un espectáculo de carreiras de carros mentres Leontios e Tiberio III están tirados no chan, frente ao trono imperial e uns soldados os humillan pisándolles o pescozo, coa multitude cantando o 13º verso do salmo 91: ‘pisaredes o león e a víbora’. O león era Leontios, e a víbora (aspis, en grego) era Tiberio III, cuxo verdadeiro nome era Aspimar. Logo dos xogos, Leontios e Tiberio III son executados, e a continuación Xustiniano II ordena a persecución e morte contra todos os que os apoiaran ou son sospeitosos de telo feito.

o patriarca Kallinikos I tamén cae, sendo sucedido por Kyros.

Corvulus de Friuli é arrestado por Ariperto II, ordenando que lle quiten os ollos e sendo reemprazado por Pemmo, que comeza unha guerra contra os eslavos de Carinthia.

xullo, 2: Zhong Zong ordena soterrar os restos de súa nai Wu Zetian, outro fillos seu Li Xian, un neto Li Chongrun, e unha bisneta Li Xianhui; todos xuntos no mesmo mausoleo onde están seu pai e o marido de Wu Zetian, o emperador Gao Zong, nas aforas de Chang’an, o mausoleo Qianling.

Berhtwald, arcebispo de Canterbury, é obrigado polo papa a reunir o sínodo de Nidd (en Northumbria).

Nechton mac Derelei, rei picto, tenta manter boas relacións cos anglo-saxóns.

705

moedas de al-Walid I atopadas en Sistan
en.wikipedia.org

Xisulfo I de Benevento captura Sora, Arpino e Arce, chegando a Horrea, saqueando e queimando todo ao seu paso, antes de atopar os embaixadores de Xoan VI, que rescatan a moitos cautivos a cambio de agasallos e ouro.

xaneiro, 11: morre Xoán VI.

febreiro, 20-22: o poder supremo de Wu Zetian vólvese na súa contra. Algúns altos cargos xa non confían na súa propia seguridade. O chanceler Zhang Jianzhi organiza un golpe co apoio de varios xenerais por medo a que a emperatriz decida ir contra eles. Deteñen e executan os irmáns Zong e a emperatriz en palacio. Colocan como emperador de novo a Zhongzong, moi influído e apoiado pola súa dona, a nova emperatriz Wei. Isto supón o final da dinastía Zhong, de curto percorrido, e a reinstauración da dinastía Tang.

marzo, 1: inicio do bispado de Xoán VII, que logra un acordo con Ariperto II para a concesión de terras no norte de Italia.

os árabes quebran a gran rebelión en Armenia: Muhammad ibn Marwan captura e deporta a Smbat VI Bagratuni e outros príncipes. Moitos dos nakharar capturados son reunidos e encerrados en igrexas en Nakhchevan, onde morren queimados.

agosto, 21: Xustiniano II é trasladado ao reino búlgaro, ao sur do Danubio e días despois logra entrar pola noite en Constantinopla usando o aqueducto de Valente coa axuda de partidarios; non tarda en ser aceptado de novo como emperador. Tiberio III retírase ao saber que Xustiniano ten no seu poder Blaquernae; tardará meses en ser capturado.

Xustiniano II concede a Tervel o título de caesar e territorios en Zagora (Thracia), en pago pola súa axuda para recuperar o trono.

batalla de Bamburh: Osred de Northumbria (nove anos) derrota a Eadwulf I coa axuda de ealdormen. O brazo forte do rei é o bispo Wilfrid.

Ine de Wessex ten conflitos con Sigeheard e Swaefred de Essex, que dan asilo a rivais de Ine procedentes de Wessex. En Brentford, os de Essex deciden entregar os asilados baixo a promesa de que Ine non tome represalias.

Geraint de Dumnonia concede terras en Maker (Cornwall) á abadía de Sherborne, nunha tentativa de reforzar a súa posición nas disputadas rexións de Dorset.

outubro, 8: morre o califa Abd al-Malik, sucedido al-Walid I, fillo seu, quen se propón mellorar as mesquitas de Madinat, Meca e Damasco, coa colaboración de arquitectos bizantinos.

704

representación dun cabaleiro xázaro
www.pinterest.com

morre o rei tibetano Khri-hdus-song.

Xustiniano II, desfigurado e cheo de odio, busca contactar cos xázaros (está casado cunha das súas princesas) desde o seu exilio de Quersonea.

marzo, 30: os monxes do norte de Hibernia renuncian aos seus antigos usos litúrxicos para adoptar os de Roma.

Düsong Mangpojé, morto en combate despois dunha campaña contra os Jang de Yunnan. Ábrese unha loita sucesora, na que resultará vencedora a opción de Mes-ag-tshoms (sete anos e fillo seu) baixo a rexencia de súa avoa Thrimalö.

Cenred sucede a Aethelred como rei de Mercia, que profesa nun convento en Bardney. Cenred é sobrino de Aethelred e fillo de Wulfhere.

Abdallah ibn Abd al-Malik (fillo do califa Abd al-Malik ibn Marwan) invade Armenia para someter a revolta anti-árabe coa axuda de seu tío Muhammad ibn Marwan.

Xustiniano II escapa do seu exilio coa axuda do khan xázaro Busir.

outono: Tiberio III tenta comprar a Busir e manda dous asasinos xázaros, Papatzys e Balgitzin, para acabar con Xustiniano, que é avisado pola súa muller e pode fuxir onde os búlgaros, asegurándose a axuda de Tervel, a cambio de consideracións financeiras.

Heraclius, irmán de Tiberio III, derrota e destrúe un exército musulmán (10000) en Sisium, levando numerosos prisioneiros encadeados a Constantinopla.

decembro, 14: morre Aldfrith de Northumbria, sucedido por Eadwulf I. Wilfrid viaxa a Driffield para manifestar o seu apoio ao novo rei pero é rexeitado.

inverno: Abdallah ibn Abd al-Malik é chamado de Armenia para facerse cargo de Exipto. Instrúe que a lingua de traballo administrativo sexa o árabe en lugar do copto. As fames e a corrupción arruínan o seu mandato.

695

sólido de ouro coa efixie de Leontios
en.wikipedia.org

marzo: morre Clodoveo IV e Pipino de Heristal sitúa no trono ao irmán deste, Childeberto IV.

fin da campaña franca contra os frisios.

Ferchar II sucede a Domnall como rei de Dal Riata.

Hassan ibn an-Numan, con 50000 homes, prepara un gran ataque contra Carthago, que cae en mans musulmás.

agosto, 5: Tikal conquista Calakmul.

Pipino de Heristal nomea a Drogo, primoxénito, mordomo de Burgundia e a Grimoaldo II, o máis novo, mordomo de Neustria.

os saxóns expándense derrotando os bructeri, entre o Lippe e o Ruhr, e ocupan a actual Westfalia.

setembro: Leontios é liberado e nomeado gobernador de Hellade, pero decide aproveitar o descontento na capital para capturar a Xustiniano II e, en vez de matalo, ordena mutilalo (sen nariz considera non pode reinar) e destérrao a Quersonea, sendo proclamado basileus.

setembro, 6: Wihtred de Kent edita un código legal e mantén a independencia contra Mercia.

Aldfrith de Northumbria casa con Cuthburh, irmá de Ine de Wessex.

Uaxaclajuun Ub’aah K’awiil, ajaw de Copán.

novembro, 21: Willibrord, consagrado bispo de Utrecht por Serxio I en Roma.

694

crónica Peterborough, que recolle
o código lexislativo de Ine
es.wikipedia.org

publicación dun código lexislativo promovido por Ine de Wessex.

Wihtred de Kent asina a paz con Ine de Wessex.

Sebbi de Essex desexa dedicarse á vida monacal e abdica nos seus fillos Sigeheard, Swaefred e Offa de Essex.

Asuka-kyō, co palacio Kiyomihara, deixa de ser capital de Xapón, que pasa a Fujiwara-kyō.

morre Asparukh e sucédeo Tervel como líder dos búlgaros.

os maronitas rexeitan a petición de Xustiniano II de retractarse e vencen na batalla de Amiun.

novembro, 9: inicio das sesións do XVII concilio de Toledo. Exica sospeita da confluencia dos xudeus de Hispania cos de Africa. Decrétase a disolución das ‘aljamas’, a escravitude de todos os xudeus e a prohibición dos seus ritos; tamén deben entregar os fillos aos sete anos para ser educados coma cristiáns.

692

dinar coa efixie de Abd al-Malik
en.wikipedia.org

concilio en Constantinopla, que decreta a igualdade entre o bispo de Roma e o patriarca de Constantinopla; os sacerdotes casados poden vivir coas súas mulleres. Serxio I rexeita ambas decisións e o emperador ordena o seu arresto; sen embargo as milicias de Roma e o exarcado de Ravenna póñense do lado do bispo.

prohíbense tamén os restos de celebracións pagás: calendas, brumalias, anthesterias, …

febreiro: al-Hajjaj ben Yusef dirixe unha expedición umayyad contra Meca.

Abd al-Malik acuña moedas de ouro e Xustiniano II négase a aceptalo e rompe a tregua.

batalla de Sebastopolis: o exército bizantino comandado por Leontios é derrotado por Muhammad ibn Marwan. Durante a batalla un continxente ‘especial’ (uns 20000 eslavos) baixo Neboulos pásase aos musulmáns.

Xustiniano II culpa ao exército da derrota e isto fai que o seu prestixio se resinta; feito que se agrava coas subidas de impostos. Leontios é apresado.

o soberano armenio Smbat VI Bagratouni pásase aos musulmáns, que tamén conquistan Iberia e Colchis, últimas posesións bizantinas ao leste do Taurus. Xustiniano II tamén ten que acceder a compartir Chipre.

Ine de Wessex instala a Nothelm, un parente seu, como rei de Sussex.

Wu Zetian retoma o control sobre o reino de Khotan, na conca do Tarim.

constrúese o ‘templo da cruz’ en Palenque para conmemorar o reinado de K’inich Kan B’alam II.

setembro, 30: o califa de Meca ‘Abd Allah ibn Zobair é executado logo dun longo asedio.

691

Gallia a finais do s. VII e inicios do s. VIII
es.wikipedia.org

morre Theuderico III, sucedido polo seu fillo Clodoveo IV (9 anos), que non pasa de ser un foi fainéant en mans de seu tío Pipino de Heristal, mordomo de palacio de Austrasia.

II concilio Trullano en Constantinopla no que Serxio I recoñece os dogmas impostos por Xustiniano II.

morre Ilteris Khagan pero o imperio turco segue a fortalecerse co seu sucesor Kapagan Khagan.

III concilio de Caesaraugusta.

complétase a construción da ‘cúpula da Rocha’ en Xerusalem.

outubro, 11: Abd al-Malik ibn Marwan derrota en Maskin, sobre o pequeno Tigris, aos rebeldes de Mesopotamia encabezados polo gobernador Musab ben az-Zubayr, irmán do califa disidente Abd Allah ben az-Zubayr.

Abd al-Malik marcha sobre Kufa e volve a Syria; envía o xeneral Al-Hajjaj ben Yusef, nomeado novo gobernador de Mesopotamia, contra Abd Allah en Hedjaz.

Wilfrid, abade de Ripon, tenta ser bispo de toda Northumbria pero Aldfrith faise con moitas das propiedades da abadía para fundar alí un bispado; Wilfrid é exiliado e foxe cara Mercia, onde Aethelred o fai bispo de Leicester.

rebelión dos kahridjitas en Bahrein.

Pipino de Heristal derrota os bretóns e sitúa a Agatheus, un conde franco, como gobernador da marca de Bretaña e, tamén, bispo de Rennes. A Bretaña baixa permanece independente dos francos.

Begga, nai de Pipino de Heristal, funda un mosteiro en Andenne, onde se retira.

689

Frisia
www.reddit.com

batalla de Coronato, onde o río Adda, na que Alahis, ariano, é derrotado por Cuniperto, que o executa (decapitado e mutilado: pernas) xunto cos outros líderes rebeldes. Os ducados lombardos do sur aproveitan a situación para afianzar e estender os seus territorios.

batalla de Dorestad, na que Pipino de Heristal vence os frisios, pagáns, liderados por Raadbod; o delta do Rhenus e a cidade de Dorestad volven a mans francas, así como algúns outros territorios e castelos (Utrecht e Fechten).

Xustiniano II vence novamente os búlgaros e recupera Thesalonica para o imperio e continúa a política de trasladalos a Anatolia, para utilizalos como soldados.

Xustiniano II inicia unha campaña militar en Armenia.

o código Asuka Kiyomihara, iniciado en 681 por orde de Tenmu é publicado; contén normas de goberno.

abril, 20: Caedwalla de Wessex chega a Roma e é bautizado por Serxio I co nome de Pedro; morre dez días despois e é soterrado na basílica do propio Pedro.

Oswald, irmán do rei Osric de Hwicce, funda a abadía de Pershore.

Hassan ibn al-Un’man ataca os bérberes pero é derrotado cerca de Aïn Beida.

688

tremises de Cuniperto
it.wikipedia.org

maio, 15: inicio das sesións do XV concilio de Toledo, no que Vicente é mencionado como bispo de Dumio.

morre asasinado Pertarito nunha conxura e sucédeo o seu fillo Cuniperto.

Alahis, duque de Brescia, inicia unha guerra civil e asedia a Cuniperto nunha illa do lago Como; Cuniperto logra romper o cerco.

Domnall, sucesor de Maelduin como rei de Dal Riata.

Caedwalla, rei de Wessex, abdica e inicia unha peregrinación cara Roma; a causa son as feridas sufridas durante o ataque a Wight. Ine, fillo dun curmán segundo, Coenred de Dorset, é o sucesor.

Aethelred de Mercia utiliza a súa influencia no SO de Britannia para entronizar a Oswine, membro menor da familia real e primo segundo de Eadric, como rei de Kent. Ao príncipe Swaefheard de Essex concédeselle a porción oeste de Kent.

K’inich B’aaknal Chaak, soberano da cidade maia de Toniná.

Wigbert, anglo-saxón, inicia a ‘evanxelización’ dos frisios.

Xustiniano II marcha a Thracia, onde restaura a autoridade bizantina e traslada moitos búlgaros e eslavos prisioneiros ao thema de Opsicia (Anatolia).

Eadberht, nomeado bispo de Lindisfarne, onde constrúe un altar ‘sagrado’ en memoria do seu predecesor Cuthbert; un lugar que se converterá en lugar de peregrinación frecuente.

687

Egica Rex
codex emilianensis
es.wikipedia.org

abril: a rebelión xiíta de al-Mukhtar en Kufa é reprimida por Musab inb Zobair, irmán de Abd Allah ibn Zobair.

xuño: batalla de Tertry na que Pipino de Heristal vence de xeito decisivo, coa alianza dalgúns nobres de Neustria a Berthario, mordomo de Neustria e Burgundia, que morre pouco despois. Theuderico III e o seu tesouro son postos baixo vixianza e Pipino reunifica o goberno de todos os territorios francos. Nomea a Nordeberto, conde de París, mordomo de Neustria, e intenta que a súa autoridade sexa efectiva en todo o reino pero esta é nula ao sur do Loira e en Burgundia.

Kent rebélase contra a soberanía de Wessex e o rei imposto Mul é queimado vivo. Caedwalla víngase arrasando o reino e Aethelred de Mercia aproveita a situación para estender os seus dominios.

Xustiniano II sela un novo tratado cos musulmáns, polo que estes pagan tributo e el acolle a 12000 maronitas de Líbano, que resistían duramente o asedio árabe; son trasladados a Thracia, Cilicia e Pamphilia. Acorda tamén repartirse os impostos de Armenia, Chipre e Iberia

Xustiniano reforza a flota bizantina en Chipre e transfire tropas de cabalería de Anatolia a Thracia.

Paulos III, novo patriarca en Constantinopla.

inicio das obras da mesquita de Umar en Xerusalem.

morre Ervixio, que apunta ao seu xenro Exica como posible sucesor.

novembro, 24: inicio oficial do reinado de Exica, que tamén era sobriño de Wamba. Declarara a intención de reconciliar ambas familias pero o novo rei, coa autorización do XV concilio de Toledo, deslígase do xuramento prestado a súa muller e repúdiaa.

decembro, 15: Serxio I é elixido como sucesor de Conon. Aparece en escena outro candidato, Pascual I.

Xustiniano II rompe o tratados cos búlgaros e ataca os eslavos pero é atrapado nunha emboscada e debe negociar un novo tratado.

Adomnan, abade de Iona, vista Northumbria para tentar liberar prisioneiros irlandeses capturados nunha incursión en Hibernia.

Cuthbert, bispo de Lindisfarne, abandona o bispado e retírase como eremita en Inner Fame, onde morre logo dunha grave e penosa enfermidade.

morre Romualdo, duque de Benevento, sucedido por Xisulfo.

o iussio de Xustiniano II confirma que Septem e Cerdeña posúen bases militares bizantinas importantes. Tamén quizás nas Baleares, segundo Nicolás Oikonomides, que aparece recollido na ‘listaxe árabe de al-Djarmi’ (s. IX).

685

Xustiniano II
es.wikipedia.org

febreiro, 5: Clotario de Kent vencido e morto polo seu sobriño Eadric, que se apropia do poder coa axuda de Sussex.

maio, 7: morre Marwan I, sucedido polo seu fillo Abd al-Malik, que reorganiza a administración, tanto civil como militar, nos territorios que controla tentando colocar árabes en todos os postos relevantes.

maio, 8: morre Bieito II e sucédeo Xoán V que aproveita o baleiro provisional da sucesión en Constantinopla para comezar a exercer sen a autorización imperial.

os pictos rebélanse contra Northumbria. Cuthbert, bispo de Lindisfarne, aconsella non invadir o territorio inimigo pero Ecgfrith desóeo e chega a Dunnincen.

maio, 20: batalla de Dun Nechtain, na que Bridei III mac Bili, rei picto, derrota e mata a Ecgfrith e os anglo-saxóns deben retroceder ata o río Forth.

Ecgfrith é sucedido por Aldfrith, medio irmán seu, que sae de Iona, onde profesaba.

Kuber, irmán de Asparukh, derrota os avaros en Pannonia, e diríxese con 70000 búlgaros cara Macedonia.

batalla de ‘Ayn al-Warda: un exército umayyad (20000 homes) baixo Husayn ibn Numayr derrota a Ras al-‘Ayn en, partidario dos xiítas de Kufa.

Wu Zetian exila a Zhong Zong e a súa familia na illa de Fang Zhou.

Wu Zetian envía unha parella de pandas xigantes ao emperador Tenmu.

setembro: morre Constantino IV Pogonato en Constantinopla de disentería, sendo sucedido por seu fillo Xustiniano II (17 anos), que toma iniciativas en política exterior: asina unha nova paz cos musulmáns para poder centrarse no problema eslavo e mellora a relación cos jázaros, casando cunha princesa desa etnia; tamén se inician labores de repoboación en rexións despoboadas a causa das guerras.

Xoán Maron, primeiro patriarca maronita, un novo cisma na igrexa a raíz do sucedido no concilio ecuménico de Constantinopla.

Eadric rebélase contra Hothlere, tío seu; vénceo e mátao.

Caedwalla, sucesor de Centwine de Wessex. O novo rei reunifica os territorios e ataca cun gran exército Sussex e mata o rei Aethelwealh na batalla de South Downs. É expulsado por Berthun e Andhun, ealdormen de Aethelwealh, que reinan en Sussex xuntos. Caedwalla ataca agora Kent e logra levarse un gran botín cando se retira.

outubro, 18: rebelión xiíta en Kufa encabezada por Mukhtar al-Thaqafi.

Hassan ibn an-Nu’man, comandante musulmán en Africa.

os musulmáns logran controlar a revolta de Kabul matando ao principal dirixente rebelde.

Gregorios I Mamikonian, príncipe de Armenia, morre en combate contra os jázaros, que invaden o norte do país. Achot II Bagratouni é designado sucesor polo califa.

revolta dos kharidjitas, que elixen califa a Nagdah ibn Amir, que controla o leste de Arabia.

erupción do Vesubio.

681

ruínas en Jarrow
(pertencentes ao mosteiro do s. XI)
www.docbrown.info

xaneiro, 9 (ata o 25): Wamba está recluído nun mosteiro (Pampliega, Burgos) e Ervixio convoca o XII concilio de Toledo para lexitimar a súa situación; o novo rei insiste en lexislar contra os xudeus (moitos conversos estaban volvendo á súa antiga fe ante a debilidade da monarquía goda) e suprime leis que buscaban limitar a violencia contra os escravos; suaviza as sancións contra os que non cumpren coas súas obrigas militares e restitúe os bens dos nobres que apoiaran a Paulus; formúlanse anatemas contra os adoradores de ídolos.

xaneiro, 10: Agathon morre dunha peste declarada en Roma.

marzo, 28: no concilio de Constantinopla dítase unha condena contra o Honorio I pola súa actitude equívoca ante o monotelismo.

setembro, 16: final das sesións do concilio ecuménico. Roma e Constantinopla volven a estar unidas. O patriarca da capital alcanza o cumio do seu poder en contraposición á debilidade dos bispos de Roma, controlados polo exarca.

setembro: Constantino IV recoñece o estado búlgaro independente en Moesia e paga tributo para evitar ataques a Thracia, onde se crea un thema como medida defensiva.

Constantino IV ordena mutilar (o nariz) a Heraclio e Tiberio, irmáns seus, debido ás súas supostas intrigas para que non poidan reinar. Ordena que non volvan aparecer nas moedas e que os seus nomes desaparezan da documentación oficial. Eleva a seu fillo Xustiniano II ao rango de basileus.

estala unha revolta militar no thema de Anatolia e o exército marcha cara Chrysopolis e envía unha delegación a Constantinopla demandando que os dous irmáns sexan restablecidos nas súas funcións. Constantino IV chega a un compromiso e convence o exército a que volva ás súas bases. Convida os líderes á capital e consulta co senado a situación. Sen embargo, cando os líderes chegan á capital son arrestados e colgados en Sycae.

Aethelwalh de Sussex proporciona a Wilfrid terras en Selxey para fundar unha catedral, chamada ‘abadía de Selsey’.

Ecgfrith de Northumbria pide que os monxes de Monkwearmouth funden un mosteiro en Jarrow.

armenios, albaneses e iberos rebélanse contra o califato.

Kutluk Khan restablece o khaganato turco.

Kusakabe, segundo fillo de Tenmu, é feito príncipe herdeiro.

Eudes, duque de Aquitania.