597

Fredegunda de Neustria
globedia.com

Fredegunda derrota a súa rival Brunequilda, que apoia a Teodeberto II e Theuderico II contra Clotario II.

morre Fredegunda ‘inimica Dei atque hominum’, en Lutecia e soterrada na igrexa a Vicente, pero Clotario II (13 anos) segue a guerra e apóiase en Landy, ‘mordomo de palacio’, que pasa de ser un simple administrador da corte a unha especie de primeiro ministro.

Mauricio enferma de gravidade e escribe as súas ‘últimas vontades’, nas que describe as súas ideas de goberno. O fillo maior, Teodosio gobernaría o este desde Constantinopla e o segundo, Tiberio, o oeste, desde Roma. Os outros dous fillos varóns serían asociados ao poder. O emperador recupérase e estas vontades nunca entran en vigor.

outono: campaña dos Balcáns onde os avaros, reforzados polo tributo dos francos, retoman a campaña ao longo do Danubio e asedian Tomis, na costa do mar Negro.

Ceolwulf sucede a seu irmán Ceol como rei de Wessex, e faise rexente do seu sobriño Cynegils, quen é demasiado noto para herdar o trono.

Mangalesa, rei da dinastía Chalukya despois da morte de Kirtivarman I, goberna como rexente do seu fillo Pulakesi II e invade o territorio de Khandesh e Gujarat (NO de India).

xuño, 9: Columba morre en Iona (Hébridas) e é soterrado pola súa comunidade na abadía que creou.

Aethelbert publica o primeiro código legal da era post-imperial en Britannia; preocúpalle conservar a orde social imperante, por medio de compensacións e castigos contra danos persoais.

Agostiño funda a ‘escola do rei’ en Canterbury, en dependencias anexas á abadía.

Osma, sede episcopal.

Wendi introduce un novo calendario.

decembro, 25: Agostiño e os seus colaboradores bautizan a máis de 10000 anglo-saxóns.

596

illa de Thanet
www.littlestourbooks.com

marzo: Teodeberto II, rei de Austrasia, e Theuderico II, rei de Borgoña, baixo a rexencia de Brunequilda.

Fredegunda e Clotario II ocupan Lutecia (París).

xullo a decembro: Fredegunda insta a Clotario II a declarar a guerra a Teodeberto II e Theuderico II, que son derrotados en Latofao (Laffaux, entre Soissons e Laon); pero a guerra continúa a pesar diso.

Brunequilda evita un ataque avaro a Turinxia mediante un tributo.

Kyriakos, patriarca de Constantinopla.

Mauricio usa Marcianopolis como base militar para operar no baixo Danubio contra eslavos e avaros.

batalla de Raith: anglos toman terra cerca de Raith, costa do Fife, e derrotan unha alianza de escotos, britanos e pictos baixo Áedán mac Gabráin de Dál Riata.

Wendi establece relacións diplomáticas con Goguryeo e demanda a cancelación da alianza militar co khanato turco oriental.

Agostiño de Canterbury chega á illa de Thanet e é saudado por Aethelberht de Kent, quen acepta o bautismo co resto da súa corte por petición de Bertha, súa dona franca. O rei proporciónalles unha residencia en Canterbury, onde fundan un mosteiro beneditino.

593

ruínas e restos de Eboracum

Aethelfrith de Bernicia sucede a Hussa, e o cambio implica rivalidades e o exilio dos parentes de Hussa.

morre Elli de Deira e Aethelfrith de Bernicia invade Deira e conforma o que se denominará Northumbria (reino ao N do Humber), con capital en Eboracum (York). Pero Elli ten un fillo, Eduino, que salva a vida indo a Anglia oriental, onde reina Redvaldo, quen ten que decidir entre apoiar a Eduino, que quere que lle axude a recuperar o reino de seu pai e Aethelfrith, que o suborna e ameaza para que lle entregue a Eduino. Ethelberto de Kent inflúe para que a situación non empeore.

primavera: Priscus derrota os eslavos e xépidos en territorio imperial ao sur do Danubio e cruza o río para loitar contra eles no seu propio territorio.

Pybba sucede a seu pai Creoda como rei de Mercia.

o usurpador persa Hormizdas V é derrotado por Cosroes II.

Suiko obtén recoñecemento de China como soberana. Nomea ao seu sobriño Shotoku como rexente e Umako Soga, como home forte. Umako crea a primeira constitución de Xapón (‘Constitución dos 17 artigos’). Con Suiko o budismo gaña terreo na cultura do país.

outono: Mauricio ordena a Priscus pasar o inverno ao norte do río pero este desobedece e retrocede a Odessus (Varna), na costa do mar Negro.

as relacións entre Mauricio e Gregorio I empeoran a causa da publicación do edicto episcopal que prohibe ocupar cargos eclesiásticos a funcionarios imperiais.

Gregorio escribe: “o segredo significado da súa predición (Bieito de Nursia) é máis clara para nós agora que vemos os muros que se caen, as casas e igrexas destruídas polos remuíños de vento. Cada vez con máis frecuencia vemos edificios, cansados de vellos, que se converten en ruínas.”

morre Garibaldo I e sucédeo Tassilo I como duque de Baviera.

decembro: Axilulfo asedia Roma, defendida por Gregorio, illado. As cartas do bispo describen unha cidade desesperada, afamada, esperando que chegue o gran de Sicilia e procurando aloxar as persoas que foxen dos lombardos.

os exércitos de Fredegunda e Clotario II derrotan a Brunequila e Childeberto II en Truccia (ou Trucciacum), cerca de Noviodunum (Soissons).

589

Recaredo no iii concilio de Toledo
historiageneral.com

Xoán, bispo de Dumio.

terceira rebelión contra Recaredo apoiada polo bispo Uldilda e Golsvinta, viúva de Leovixildo; tamén sufocada. Argimundus, un dos rebeldes é desterrado en Callaecia.

febreiro, 10: o xeneral Heruo Bi conquista Jiankang, sede da dinastía Chen, facendo de Sui Wendi emperador de toda China. Continúa coa campaña de obras públicas para facilitar as comunicacións entre norte e sur: vías fluviais e estradas imperiais para as que os traballadores eran recrutados á forza entre a poboación.

marzo, 1: as monxas da Santa Cruz de Poitiers rebélanse contra a abadesa Leubovera, e chegan a Tours levadas pola princesa Chrodielda e súa curmá Basina. Chrodielda provoca unha entrevista con Gontran durante o verán, quen lles ordena reunirse para examinar o conflito.

abril, 10: Mauricio renuncia a reducir as soldadas e iso frea as revoltas das tropas na fronte persa. Philippicus é aceptado como comandante.

primavera: Bahram Subin conquista Martyropolis grazas á traizón de Sittas.

maio, 8: III concilio de Toletum presidido por Leandro, onde Recaredo se bautiza católico e abxura publicamente do arianismo xunto con outros nobres e altos xerarcas da igrexa. Anuncia a devolución de bens confiscados durante o período ariano. O concilio decreta que os fillos dun matrimonio mixto (cristián – xudeu) serán bautizados á forza.

os anteriores concilios de Toledo tiveran menos relevancia pero a partir de agora serán asembleas fundamentais para tomar decisións políticas e relixiosas; participarán tanto bispos como nobres, que se retiran unha vez tratados os asuntos civís.

maio, 15: en Verona Authario casa con Teodelinda, filla do duque bávaro Garibaldo I e Walderada, quen en realidade estaba namorada de Childeberto II. Sen embargo, tivera que fuxir de Gallia cara Italia en compaña de seu irmán Gundobaldo. Teodelinda é católica e vai influíndo na corte lombarda.

a igrexa católica é unha potencia económica e política. Moitos propietarios doaran os seus bens para evitar que caeran en mans da aristocracia franca ou goda e a igrexa acaba sendo propietaria de terras, gando, casas, …

a administración dos bens eclesiásticos funciona a base de parroquias, dependentes dos bispos. O traballo realízano escravos e unha parroquia con menos de dez é consideraba pobre. En occidente a renda dunha parroquia divídese en catro partes: unha para o bispo, outra para os cregos, outra para a conservación dos bens e a cuarta para os pobres; nalgunhas, esta última considérase superflua e suprímese.

primavera: expedición de Authario cara Samnium e en Calabria, ata Reggio. Os lombardos fan de Benevento a capital dun poderoso ducado.

xuño: Xoán IV, patriarca de Constantinopla, proclámase ecuménico nun sínodo. Pelaxio II protesta e prohibe que Gregorio, apocrisiarius, se comunique con el.

verán: Philippicus asedia Martyropolis, pero é rexeitado cando chegan reforzos persas.

Mauricio planifica a invasión de Azerbaijan polas tribos do Cáucaso, baixo a dirección de Guaram I de Iberia.

Fredegunda fracasa na tentativa de asasinar a Rigunthis, filla de Chilperico I.

Childeberto II tenta impor impostos aos cidadáns de Tours e o bispo Gregorio logra que desista facendo alusión á inmunidade outorgada por Fredegunda.

outubro, 17: o río que pasa por Verona sáese da súa canle, inunda a igrexa de Zenón e deteriora as murallas.

Smaragdo enferma dalgún tipo de demencia e substitúeo Romanus en Ravenna. A súa chegada inicia unha contraofensiva imperial contra os lombardos. Nordulf, xeneral lombardo a soldo do imperio, regresa a Italia e ponse ás ordes do exarca. Concértase un plan conxunto cos francos para vencer a resistencia lombarda.

tres columnas francas entran en Italia e avanzan cara o sur tomando e destruíndo moitas fortalezas e Romanus escribe a Childeberto en agradecemento por colaborar na ‘liberación’ de Italia.

Romanus lanza o seu propio ataque no val do Po e captura Módena, Altinum e Mantua; Parma, Rhegium e Placentia son entregadas polos seus propios duques lombardos e Xisulfo, fillo de Grasulfo de Friuli, un ‘home ansioso por mostrarse mellor do que fora seu pai’ (Romanus), pásase ao imperio cos seus homes. Algunhas cidades fronteirizas son tomadas por Nordulf e Osso, outro xeneral.

sen embargo, os francos e as forzas imperiais non fan fronte común e os francos non poden presentar batalla aos lombardos porque estes se retiran a lugares seguros e ben fortificados. Authario mesmo permanece en Ticinum. Pasan tres meses e a disentería comeza a causar estragos entre os francos; o seu comandante, o duque Chedin, acampado cerca de Verona acorda con Authario una retirada durante dez meses e marcha de Italia.

Childeberto II e Germanus cúlpanse mutuamente da situación; o exarca quéixase da pouca paciencia de Chedin, que podía ter derrotado a Authario usando as súas armas de asedio: “se tiveran tido un pouco de paciencia, hoxe Italia estaría libre desa odiosa raza e todas as riquezas do innomeable Authario terían ido para á túa tesouraría; xa que a campaña acadara tal punto que os lombardos xa non se consideraban a salvo dos francos, incluso dentro dos muros das súas cidades.” Urxe a que Childeberto envíe outro exército cun xeral que sexa de máis confianza. Suxestiona atacar na época de colleita para destruír os alimentos dos lombardos e concertar as rutas cos exércitos imperiais evitando prexudicar os romanos.

Childeberto, sen embargo, conclúe un tratado con Authario.

Pelaxio II pode dedicarse a cuestións eclesiásticas: trata de resolver o cisma de Aquileia pero fracasa.

novembro, 1: no concilio de Narbona, cidade onde conviven godos, romanos, xudeus, gregos e sirios, prohíbese aos xudeus cantar salmos nos seus funerais.

novembro: o Tíber causa importantes inundacións en Roma e morren moitas persoas, caen moitas vivendas e monumentos, e o subministro de alimentos vese interrompido. Pouco despois comezan a aparecer casos de peste, que matan a inda máis xente.

Gontran ordena atacar Septimania: o duque Austrovaldo logra tomar Carcassona. O duque Boson chega coas súas tropas de Saintes, Périgueux, Burdigalia, Agen, e Tolosa substitúeo como comandante; pero déixase sorprender e é vencido definitivamente polos godos, comandados por Claudius, dux de Lusitania. Os francos deixan atrás 5000 mortos e 2000 prisioneiros.

morre o pai de Máximo Confesor (Moschion), un ano máis tarde súa nai, escrava persa. El ingresa coma monxe no mosteiro de Palaia Lavra (san Chariton), acollido polo abade Pantaleón. Máximo chama a atención de Sophronius (no mosteiro próximo de Teodosio) e ambos establecen unha longa relación na que o talentoso mozo influencia o home maduro.

as novas sobre Máximo están nunha biografía contemporánea aos feitos escrita por un tal Xurxo de Reshaina, que participa en círculos monotelistas, o que explica a acusación feita a Sophronius de “orixenista” e o ton agresivo da Vida de Máximo composta en Syria xa que el loitaría toda a súa vida contra esta herexía; o cal lle acabará custando a vida.

Heraclio o Vello derrota un exército persa na proximidade de Nisibis.

os persas capturan as cidades de Balk e Herat, no leste. Cruzan o Oxus e rexeitan unha invasión turca.

Yan Zhitui, funcionario e erudito, fai a primeira referencia ao uso de papel hixiénico na corte imperial Chen por cidadáns de clase alta.

587

espanaeterna.blogspot.com

xaneiro, 13: Recaredo, xunto con parte da aristocracia e algúns bispos godos, convértese ao catolicismo en consonancia coa maioría da poboación e xerarquía eclesiástica. Isto ocasiona descontento no resto da aristocracia, ariana, que non tarda en rebelarse no NE, dirixida polo bispo Athaloco e os condes Granista e Vildixerno, apoiados por Gontran, católico, pero que ve factible sacar partido e pon a escusa  de vingar a Hermenexildo. A revolta é sufocada sen dificultade no ano.

Mauricio constrúe máis fortificacións na ribeira do Danubio para conter avaros e eslavos.

Comentiolus, magister militum, reúne un exército de 10000 homes en Anchialus (Bulgaria) para atacar os avaros nos montes Haemus. Os avaros invaden Thracia e logo dun primeiro éxito contra Castus, son derrotados polos xenerais bizantinos Droctulf e Xoán Mystacon nas proximidades de Adrianopolis.

os vascóns atravesan os Pirineos e arrasan a Novempopulania; o duque de Tolosa Austrovaldo tenta contelos.

Aegidius de Reims, acusado de crimes de lesa maxestade, implora perdón a Childeberto II, ofrecéndolle grandes presentes.

o comes Syagrius é enviado por Gontran onde Mauricio, quen o nomea patricius.

abril, 15: batalla de Shigisan, na que o clan Soga, en alianza matrimonial co clan real Yamato, imponse definitivamente ao Mononobe e o Nakatomi e impón o seu sucesor para o trono logo da morte de Yomei. Será Sushun (66 anos), fillo de Kimmei, 32º emperador e budista.

Wen Di, emperador Sui acaba coa dinastía Liang occidental e expande a súa influencia ao conca baixa do río Yangtze. Encarga a Gao Jiong a pacificación dos territorios e o antigo emperador Xiao Jing Di é nomeado duque de Liang.

Bagha Qaghan, 7º khagan turco.

Sunna, poderoso bispo ariano de Emerita, tamén conspira contra Recaredo.

a cuestión do ‘filioque’ é usada por primeira vez no credo niceno contra os arianos en Hispania.

primavera: os bretóns atacan Nantes.

Gontran envía unha embaixada a Armorica para que cesen os ataque bretóns e esixe obediencia a Waroch II, demandando 1000 solidi en compensación polo ataque a Nantes.

agosto, 4: Fredegunda envía asasinos contra Gontran, pero sen éxito.

inverno: Childeberto II depón a Leudefredus I como duque alamano e impón a Uncelenus como sucesor seu.

novembro, 28: Gontran asina con Childeberto II o tratado de Andelot, polo que o nomea herdeiro seu; en realidade establécese que o que sobreviva herdará os territorios do outro xa que non se pode predicir quen morrerá antes, a pesar das súas idades. Os dous alíanse contra os grandes nobres e o seu poder crecente. O pacto é promovido por Brunequilda e Gregorio de Tours. Childeberto recupera Borgoña e Aurelianum.

Gennadius, futuro exarca, sufoca unha rebelión bereber en Africa.  

os cregos occidentais que visitan Constantinopla hospédanse na domus Placidiae.

Sledda, rei de Essex coma sucesor de Aescwine, seu pai.

a peste chega a Marsella nun navío procedente de Hispania e arrasa a cidade.

os bizantinos establecen contactos cos ‘antos’ para que estes ataquen os eslavos polo norte.

585

www.temporamagazine.com

Leovixildo aproveita a rebelión de Andeca contra Eborico para entrar en Callaecia e acabar coa independencia do reino suevo, anexándoa como provincia goda: “... Liuvigildus rex Gallaecias vastat, Audecanem regem comprehensum regno privat, Suevorum gentem, thesaurum et patriam in suam redigit potestatem et Gothorum provinciam facit ...”. Derrota a Andeca cerca de Oporto e encérrao nun mosteiro, logo de sometelo a tonsura.

Gontran decide intervir e socorrer os suevos e envía unha expedición naval, que é interceptada polos godos (Gregorio de Tours); descoñecemos onde os francos tiñan previsto tomar terra, pero isto proba a alianza entre suevos e francos contra godos e as relacións entre ambos a través da costa cantábrica.

Malaricus tenta recuperar a independencia sueva pero fracasa no intento. Para previr futuras tentativas Leovixildo sitúa continxentes militares, entre outros lugares, en Lucus e Tude.

o exarca Smaragdo, xeneral e organizador capaz, logra un acordo de paz de tres anos cos lombardos e fíxanse fronteiras: o exarcado é una franxa que une Ravenna con Roma arredor da vía Flaminia. Contén ademais Venecia, Xénova e Neapolis. O duque Droctulf, lombardo, únese á causa imperial a cambio de cartos, recuperando así o importante porto de Classis.

fundación do bispado de Constanza (traslado desde Vindonissa) como centro da evanxelización dos alamanos.

os lobos campan en moitos lugares; o inverno é moi frío e chegan famentos ata o interior de poboacións fortificadas, como en Burdigalia, onde devo­ran varios cans.

Praetextatus é asasinado por encargo de Fredegunda en represalia polo casamento de Brunequilda e Meroveo, fillo de Chilperico I.

Columba o novo chega a Gallia acompañado de 12 mozos (entre eles Gallus) e fundará varios mosteiros

guerra en Xapón entre os clans Soga (partidario do budismo) e Mononobe (partidarios da tradición).

entrevista de Chalon entre Gontran e Childeberto: proclámase a maioría de idade de Childeberto II (15 anos) como rei de Austrasia e confírmase a súa adopción como herdeiro por parte de seu tío; fai eliminar os duques de Austrasia Rauching, Ursion e Berthefriedo co pretexto da súa participación nunha conxura; Aegidius, bispo de Reims, é deposto.

febreiro: Gontran marcha ata Comminges (Pirineos) cun exército e o seu xeneral Leudexesilo asedia a cidadela de Saint-Bertrand, onde está Gondovaldo.

marzo: Leudexesilo negocia en segredo con Mummolus e outros notables da cidade para que entreguen a Gondovaldo a cambio de salvar a vida. Gondovaldo é expulsado da cidade é condenado a morte. A continuación, arrasan a cidade e masacran os habitantes, incluído Mummolus e os principais dirixentes.

Mummolus deixa 250 talentos de prata e máis de 30 de ouro; unha peza pesa 170 libras: 6250 kgrs de prata e 750 kgrs de ouro en total.

Gontran fai unha entrada triunfal en Aurelianum, celebrando o final da ‘usurpación’.

primavera-verán: dous exércitos enviados por Gontran atacan a Septimania ao mesmo tempo en Carcassonna (Terentiolus, conde de Limousin) e Nimes (Nicetius). Recaredo rexeita ambos ataquen con grandes perdas por ambos lados.

xuño, 21: data prevista para o bautizo de Clotario II. Gontran desprázase a París para o evento e Fredegunda ratifica diante del, tres bispos e trescentos notables de Neustria que Clotario é fillo de Chilperico, pero a cerimonia de coroación aprázase.

xullo, 6: en Aurelianum Gregorio de Tours obtén de Gontran o perdón de Garacharius, conde de Burdigalia, do duque Bladaste e do saxón Chuldericus, partidarios de Gondovaldo.

agosto, 23: Gontran está en Autun, onde lle chegan novas do fracaso en Septimania.

verán: o xeneral Philippicus continúa as operacións contra os persas en Arzanene.

incendio de París.

setembro, 15: Bidatsu morre de varíola e seu irmán Yōmei convértese no 31º emperador do Xapón.

verán: o xeneral bizantino Comentiolus chega a Adrianopolis e derrota unha horda eslava dirixida por Ardagasto na proximidade da fortificación de Ansinon, no distrito de Astice.

outubro, 1: festa na corte de Metz.

outubro, fin de mes: sobre unha manta cerimonial na súa vila de Belsonacum, Childeberto II reclama oficialmente ao emperador Mauricio o retorno da súa irmá Ingunda, que cre viva. Gontran Boson é citado ante a asemblea por violación de sepultura, pero foxe.

outubro, 23: sínodo de Macon baixo Gontran e coa asistencia de 43 bispos no que se discute se as mulleres se poden considerar humanas; condénase a práctica dalgúns bispos de soltar cans feros contra os pobres que buscaban o seu auxilio; decídese o ‘diezmo’ como tributo xeneralizado para os territorios francos; Theodoro de Marsella e os bispos aquitanos que apoiaron a Gondovaldo son xulgados e Ursicinus, bispo de Cahors, é excomungado e Faustianus de Dax, nomeado polo usurpador, deposto; prohíbese traballar en domingo.

novembro, 10: edicto de Péronne, no que Gontran confirma as decisións de Macon. O texto do edicto podería deberse a Asclepiodoto, referendarius de orixe romana.

inverno: vaga de fame en Gallia, segundo Gregorio de Tours. Os tratantes estafan a xente, desesperada por conseguir alimentos.

Hussa sucede ao seu irmán Frithuwald como rei de Bernicia.

Kardarigan, xeneral persa, comeza o asedio de Monokarton (Anatolia), que fracasará.

o bispo armenio Kardutsat, con sete cregos, viaxa polas estepas do norte do Cáucaso e consegue bautizar moitos hunos e traduce libros á súa lingua.

Xiao Jing Di sucede a seu pai Xiao Ming Di como emperador da dinastía Liang.

o rei Wideok de Baekje envía á corte da dinastía Sui unha embaixada oficial que porta un tributo, un mestre de meditación budista, un recitador de conxuros máxicos, un arquitecto e un escultor.

Zhiyi, monxe chinés, volve á cidade de Jinling, onde completa os seus comentarios ao Lotus Sutra.

580

Hermenexildo
www.primeroscristianos.com

Hermenexildo proclámase rei en Hispalis, acuña moeda co seu nome, inda que recoñece a dignidade real de seu pai. Os godos de Baetica e Lusitania acatan a súa autoridade. Nestas zonas é probable que os arianos sexan despoxados das súas igrexas e perseguidos nas provincias sublevadas.

Leovixildo trata de contrarrestar o catolicismo cun sínodo en Toletum que dita medidas para facilitar as conversións ao arianismo: decrétase que os católicos que cambien de credo non necesitan volverse a bautizar, o que semella lograr bastantes conversións entre a poboación católica.

debate ideolóxico en Mausona (católico) e Sunna (ariano) en Emerita.

Miro apoia a Hermenexildo e envía unha embaixada a Gontran e outra a Constantinopla.

o godo ariano Axila dialoga con Gregorio de Tours: ‘inda que nós non creamos o mesmo ca ti, non falamos mal, porque ter unha opinión ou outra non debe ser considerado un crime’.

Fronimius, bispo de Agde, alertado de que Leovixildo urde plans para matalo, foxe a territorio franco.

Pelaxio II, sen esperanzas de recibir axuda imperial, escribe a Aunacharius de Auxerre para que inflúa nos reis francos e estes axuden á cidade contra os lombardos arianos mediante unha alianza entre o Imperio e os francos.

peste no sur de Gallia e no levante hispano.

expedición militar de Aidan, rei de Dal Riada (Escocia), contra as Orcadas.

Clodoveo, fillo e herdeiro de Chilperico I, despois da morte dos tres fillos de Fredegunda por enfermidade, é encarcerado en Noisy, e logo apuñalado por orden desta. En Mans, tamén fai que asasinen a Audovera, súa nai, e que violen e encerren a Basina, irmá de Clodoveo, no mosteiro de santa Cruz de Poitiers.

lumes cerca de Burdigalia e Aurelianum; tremor de terra en Burdigalia; inundacións en Limaña en outono; enchentas do Ródano e o Saona eu outubro: inundación de Lugdunum e dos suburbios de Arelate, onde o circo é devastado e nunca máis será rehabilitado.

Gregorio de Tours debe comparecer ante un sínodo de bispos acusado de difamar a Fredegunda.

os eslavos seguen migrando masivamente aos Balcáns. Os avaros baixo Bayan I invaden o baixo Danubio (moderna Bulgaria).

asedio de Sirmium: os avaros marchan ao longo da ribeira dereita do Save e asedian a cidade.

os lombardos acaban cos últimos redutos ostrogodos nos Alpes. Os duques adoptan títulos, nomes e tradicións romanas.

Aethelberht sucede a Eormenric como rei (bretwalda) de Kent.

os inquisidores cristiáns atacan un templo segredo de Zeus en Antioquía. O sacerdote suicídase pero o resto de pagáns son arrestados. Todos os prisioneiros, incluído o vicegobernador Anatolio, son torturados e enviados a Constantinopla para comparecer en xuízo. Son sentenciados a morte devorados polos leóns, pero como non lles atacan as feras son finalmente crucificados e os cadáveres arrastrados nas rúas pola chusma cristián e depositados nun vertedoiro sen ningún tipo de rito funerario.

nace Máximo Confesor nunha vila de Palestina, Hesfin, ao leste do Lago Tiberias coma resultado dunha relación adúltera entre un samaritano e unha escrava persa. Bautizárono coma Moschion.

primavera – verán: o rei ghassánida al-Mundhir é recibido por Tiberio II en Constantinopla para mediar e tentar reconciliar monofisitas e partidarios de Calcedonia e parar as persecucións contra os monofisitas.

verán: Mauricio dirixe a súa segunda campaña militar.

an-Numan III, soberano dos lahkmidas.

a dinastía Zhou, asentada no río Wei, domina o norte de China; só a dinastía Chen, no sur, é rival abondo.

Ye (Henan) é completamente destruída por Yang Jian (futuro emperadorr Sui), que derrota aos resistentes ao mando de Yuchi Jiong.

os pagáns de Helipolis (Syria) sublévanse e atacan a comunidade cristián. Fanse sacrificios a Zeus en Edessa.

morren Martiño de Dumio e Paulo Silenciario (poeta bizantino).

575

codex Amiantinus
Casiodoro
es.wikipedia.org

Leovixildo dirixe ataques contra zonas no NE do conventus bracarensis; anexiona a rexión dos montes Aregenses (na parte oriental da actual provincia de Ourense) baixo o poder do magnate local Aspidium, que seguramente apoia os suevos e resulta capturado.

morre Casiodoro: dedicara os últimos anos á vida monástica, fundamentalmente en Vivarium reunindo libros de toda especie e promovendo a súa copia; esta práctica é sistematizada polos beneditinos, e así se conservan moitos libros da antigüidade.

primavera: durante as negociacións cos bizantinos para ampliar a tregua de hostilidades, Cosroes I invade de súpeto a Armenia romana pero non pode tomar Teodosiópolis (Erzurum) e diríxese cara Capadocia, onde se atopa co xeneral bizantino Xustiniano e os armenios rebeldes, que lle infrinxen unha gran derrota en Melitene (Malatya). O exército de Cosroes I debe atravesar o Éufrates retirándose en desorde, despois de incendiar Melitene e Sebaste. Xustiniano reocupa a Armenia persa. Logo sufre varias derrotas debido á indisciplina dos auxiliares bárbaros

xuño, 2: Bieito I elixido novo bispo de Roma, logo de case un ano de ‘sé vacante’.

no sur de India únense varias tribos baixo Simhavisnú (dinastía Pallava, con dous séculos de historia) e algunhas dinastías veciñas, como os Pandya ou os Chalukya, tratan de contrarrestar o seu poder.

moitos nobres rexeitan que Leovixildo asociara a Recaredo e Hermenexildo porque os priva do seu tradicional dereito a elixir novo rei, pero o rei sabe contelos. Derroga a lei que prohibe casamentos entre godos e católicos e publica un código lexislativo (non conservado) que tendía a eliminar a dualidade existente e pola que godos e hispanorromanos se rexían por códigos distintos.

nace Heraclio o Novo, fillo de Heraclio o Vello e Epiphania, de orixe armenia.

o duque lombardo Ewin de Triente rexeita un ataque franco e casa coa filla de Garibaldo I, duque bávaro.

Xoán de Bíclaro regresa a Hispania desde Constantinopla, despois dunha estancia de 17 anos, o que o convertera en partidario de todo o bizantino. Tan pronto como regresa vese envolto en controversias relixiosas. Leovixildo promove a fe ariana e acaba chocando con Xoán, que resulta exiliado en Barcino durante dez anos.

o ghassánida al-Mundhir, reconciliado cos bizantinos, saquea e incendia al-Hira, capital dos lakhmidas.

Chilperico I renova unha alianza con Gontran e marcha cara Reims. Sixeberto I busca alianzas coas ‘nacións alén do Rhenus’ penetra nos dominios de Chilperico I, conquista Poitiers e Tournai e chega ata o mesmo París, onde se establece mentres os duques Gontran, Boson e Godexiselo derrotan as tropas de Neustria de Thiberto, fillo de Chilperico, en Angoumo e mátano. Chilperico refúxiase en Tournai mentres Sixeberto se proclama vencedor.

decembro: durante a súa proclamación como rei de Neustria polos nobres, dous asasinos pagados por Fredegunda conseguen matar a Sixeberto en Vitry, co que as súas tropas se retiran, sendo Brunequilda feita prisioneira.

Brunequilda resulta exiliada en Rouen. O duque Gondobaldo logra salvar a Childeberto II (5 anos), fillo de Sixeberto e Brunequilda.

decembro, 25: Chilperico non pode evitar que se proclame en Metz como rei de Austrasia a Childeberto II. Brunequilda actúa como rexente oficial do seu fillo pero realmente son os nobres que goberna Austrasia, principalmente Gogon.

convención de Druim Cett: os reis irlandeses discuten a relación a manter con Áedán mac Gabráin de Dál Riata: a colonia é confirmada.

East Anglia divídese nos condados ingleses de Norfolk e Suffolk e quizás a parte oriental dos Fens de Cambridgeshire.

Alexandre de Tralles, médico grego, escribe libri duodecim de re medica.

Qara-Churin Turk Bogiu, Tardu sucede a seu pai Istämi como yabgu do khaganato turco occidental. Seu irmán Bokhan Shad visita e pasa épocas no palacio de Constantinopla. Os turcos orientais son gobernados por Arslan Tobo-Khan, Taspar.

Zhiyi, monxe chinés, viaxa ao monte Tiantai para estudar; traballa cun grupo de discípulos na meditación hindú da śamatha e vipaśyanā.

Varaja Mijira publica Pañcha siddhāntikā (tratado das cinco conclusións [astronómicas]).

573

Hispani,  aprox. 560 aD
es.wikipedia.org

unha lápida procedente de Pedro de Rocas conserva unha inscrición na que figuran os nomes dalgúns dos monxes fundadores (Hereditas, N ... Eufraxi, Eusani, Quinedi, Eeaci, Flavi, Ruve) referíndose a eles coma "os herdeiros", o que induce a pensar que o mosteiro fora construído con anterioridade. Esta lápida supón, ademais, unha proba da existencia de vida cenobítica en Callaecia anterior aos mosteiros mozárabes e aos fundados por Frutuoso.

Sigulfus, home de Sixeberto I, expulsa de Burdeos a Clodoveo, fillo de Chilperico I.

Clef completa a conquista da Toscana e chega ás proximidades de Ravenna.

a peste aparece ciclicamente en Italia e debilita a provincia contribuíndo que os ataques lombardos sexan máis letais, ven acompañada de grandes fames e moitas cidades réndense sen poder presentar batalla.

Gregorio decide renunciar á política, entrega as súas posesións á igrexa e dedícase a fundar mosteiros segundo a regra beneditina en Sicilia e logo outro en Roma, no que el mesmo profesa; débeselle a expansión da regra beneditina fóra de Italia.

Xoán III retírase ás catacumbas ao longo da vía Appia debido á presión lombarda sobre Roma.

batalla de Arfderydd entre Gwenddoleu ap Ceidio e os fillos de Eliffer, Gwrgi e Peredur, que vencen a contenda (annales cambriae)

Leoxigildo emprega distintivos rexios.

Brunequilda, muller de Sixeberto I, convénceo para vingar a morte de súa irmá por instigación de Fredegunda. Sixeberto I esixe a Chilperico I que devolva a dote que recibira no casamento, este négase e iníciase unha guerra entre os dous irmáns. Sixeberto I ataca as rexións de París e Chartres.

Leovixildo emprende campañas militares contra as rexións limítrofes da base territorial sueva, que conseguiran manter a súa autonomía a respecto deles; este é un paso previo para atacar directamente o territorio suevo. Este ano os visigodos atacan a zona do sureste do convento bracarense: a Sabaria e o pobo dos sapos (rexión montañosa arredor do río Sabor, afluente do Douro en Portugal).

Theodefrid, conde alamano, en sucesión de Wafar.

Leovixildo fai os seus fillos Hermenxildo e Recaredo correxentes.

abril, 19: o xeneral bizantino Marciano parte de Dara contra a Mesopotamia persa. Derrota os persas en Sargathon e asedia Nisibis. Acusado por Xustino II de conspirar contra el é relevado e as tropas levantan o asedio en desorde.

verán: un exército persa sae de Babilonia baixo Adarmahan e cruza o deserto e o Éufrates para atacar Syria, onde saquea Apamea e Antioquía.

agosto, 22: Gregorio, elixido bispo de Tours por influencia de Sixeberto I e en sucesión de Eufronius, parente seu por parte de súa nai. Escribirá historia dos francos e terá enfrontamentos cos merovinxios, especialmente con Chilperico I.

setembro, 11: Gontran reúne en París un concilio para tratar de mediar entre Chilperico e Sixeberto sen éxito; a guerra prosegue con máis violencia. Os fillos de Chilperico atacan Tours e Poitiers; el devasta o Limousin e o Cahorsin.

novembro, 15: Cosroes I conquista Dara logo dun asedio de seis meses. Xustino vese obrigado a pedir a paz.

novo brote de peste en Constantinopla.