739

representación de Afonso I
el.tesorodeoviedo.es

Fafila morre atacado por un oso durante unha cacería. É sucedido por Afonso I, cuñado seu, quen é citado coma rei da Gallaecia nas crónicas musulmás.

Hisham ibn Abd al-Malik reúne unha gran forza expedicionaria baixo o seu fillo Sulayman ibn Hisham. Unha parte do exército, baixo Abdallah al-Battal (20000 homes), é derrotado en Akroinon polo propio emperador León III e o seu fillo Constantino. Uns 6800 musulmás logran retirarse ordenadamente e chegar a Synnada (Phrygia).

Carlos Martelo ataca a Maurontus de Provenza e os seus aliados musulmáns. Seu irmán Childebrando captura Marsella, en mans musulmás. Maurontus refúxiase nos Alpes.

xuño, 16: Liutprando instala en Spoleto a Hilderico. Trasamundo foxe a Roma, onde Gregorio III.

Liutprando saquea o exarcado e logo asedia Roma. Gregorio III solicita a axuda franca (tamén envía embaixadas a bizantinos e musulmáns): entre outras cousas, ofrece a Carlos o título de cónsul durante as negociacións mais petición e oferta son rexeitadas.

Gregorio asina un pacto cos lombardos e Liutprando regresa a Ticinum.

estallan revoltas no califato ummayad ante o descontento pola presión fiscal: Khorassan (na fronteira coa Sogdiana), Berbería (norte de Ifriqiya), Arabia e Mesopotamia.

Ato, abade do mosteiro de Volturno.

morre Willibrord en Echternach.

Ratchis, duque de Friuli, logo da deposición de Pemmo por Liutprando.

Aed sucede a Eogans como rei de Dál Riata.

Godescalcus sucede a Gregorius como duque de Benevento, mais non logra o recoñecemento real.

733

ruínas en Damasco, Syria
foroparalelo.com

Eochaid III de Dál Riata sucedido por Alpin I, que é deposto por Muiredach.

Eudes, case oitenta anos, profesa nun mosteiro. As súas terras son divididas entre os seus fillos Hunald e Hatton, que continúan a súa oposición a Carlos Martelo; producíndose batallas en Beneste (Charente) e La Rouchefoucauld (próximo a Anguleme), onde son derrotados.

Carlos tamén derrota os burgundos e distribúe dominios e ben eclesiásticos entre compañeiros de armas.

Abd al-Malik ibn Katan al-Fihri, wali de al-Andalus, cruza os Pireneos, e arrasa os territorios a ambos lados, en Gallia e Hispania; establecendo colonias ao longo do val do Ebro e na actual Euskadi e consolidando as bases militares xa existentes.

Liutprando depón a Audelais de Benevento e o seu fillo menor Xisulfo e fai que os suceda Gregorius.

o filósofo e xurista Ghaylan al-Dimashqi é condenado a morte e executado en Damasco por orde do califa a causa da súa defensa da doutrina do libre albedrío.

xuño, 26: unha flota bizantina enviada por León III para someter a rebelión no exarcado de Ravenna contra os decretos iconoclastas é dispersada pola tempestade ante o porto de Classis; as tropas que sobreviven o naufraxio son reducidas.

Eucherius, bispo de Orleans, é deposto e exiliado por Carlos Martelo, debido á oposición do bispo a que a igrexa sexa espoliada dos seus bens.

Poppon, sucesor de Radbod, arrasa a fronteira cos francos. Intervén Carlos e o frisio debe pedir a paz e liberar os prisioneiros feitos.

Aethelbald fai conquistas ao sur do Humber, invade Wessex e captura Somerton.

732

batalla de Poitiers
tabla de Charles de Steuben, 1837
www.fr.wikipedia.org

marzo, 2: Abd al-Rahman emprende unha expedición contra os francos; parte de Pampilona, pasa Roncesvalles, derrota a Eudes en Burdigalia e logo segue cara o norte.

verán:  Eudes diríxese a Reims para advertir a Carlos Martelo e solicitar o seu apoio contra os invasores. Reúnense en París e Carlos promulga un bando para organizar un exército, que inclúe austrasianos, neustrios e burgundos. Mentres, os musulmáns fanse con moitas cidades ao seu paso e diríxense a Poitiers.

xuño, 26: Venus oculta a Xúpiter.

setembro: Carlos dirixe o seu exército a Orleans e cruza o Loira, probablemente acompañado por Eudes e as tropas que lle quedan. Acampa cerca de Tours, ao suroeste da fortaleza de Ballan-Miré, para protexer a abadía de Martiño. Derrota avanzadas musulmás e fainas retroceder. Abd al-Rahman fixa a súa posición no río Vienne.

outubro: os francos cruzan o río Vienne e establecen un campo na mansio romana abandonada de ‘Vieux-Poitiers’, quizás usando o teatro romano e as súas torres como fortificacións. Carlos forma unha posición defensiva que intercepta a vía romana e rexeita ataques musulmás durante sete días.

outubro, 18/25: as forzas de Carlos derrotan un enorme exército comandado por Abd al-Rahman, nas proximidades de Poitiers. As cargas dos musulmáns fracasan unha e outra vez contra as liñas francas, Abd al-Rahman morre en combate, cae a noite e ao amencer os francos comproban a retirada musulmá.

os musulmás retíranse en dous continxentes, un ata Septimania e outro retrocede cara al-Andalus a través de Roncesvalles. Eudes persegue os vencidos antes de regresar a Burdigalia. Carlos retírase a territorio franco por Orleans e Auxerre, promovendo novos homes para bispados chave.

Abd al-Malik ibn Katan al-Fihri é novo wali de al-Andalus.

unha forza musulmá chega ata o Ródano.

dúas consecuencias desta vitoria de Carlos Martel son o seu alcume (carolus martellum), e a submisión de Eudes de Aquitania, aparte de frenar definitivamente a expansión musulmá en Gallia.

na parte central da illa de Java desenvólvese un estado baixo o rei Sanjava.

formulario de Marculfo.

Constantino, fillo de León III, casa cunha princesa xázara, que recibe o nome de Irene.

León III impón a xurisdicción do patriarca sobre os territorios de Sicilia, Calabria e o Ilírico.

Egbert, irmán do rei Eadberht de Northumbria, nomeado arcebispo de Eboracum, logo de viaxar a Roma.

Bonifacio, arcebispo, obtén do bispo de Roma a autorización de nomear bispos nos novos territorios que ‘evanxeliza’ en Xermania.

Theudebald, duque alamano, por odio a Carlos Martel, depón ao bispo Heddo e confínao no mosteiro de Reichenau.

731

venerabilis Beda
venerabilisbeda.plgo.org

febreiro, 11: morre Gregorio II.

marzo, 18: Gregorio III, de orixe siria, novo bispo de Roma.

Gregorio III xoga a dúas bandas con lombardos e bizantinos: logra que Roma non sexa ocupada polos lombardos. Tamén tenta que os francos interveñan en Italia no seu favor, facendo de contrapeso contra lombardos e bizantinos.

Beda escribe en Northumbria a historia eclesiástica da nación inglesa. Vive no mosteiro de Jarrow, fundado por Bieito Biscop; rexeitara o cargo de abade para dedicarse por completo aos seus libros e estudos.

a súa historia é notable por datar os acontecementos dende o nacemento de Cristo. É crítico coas lendas e envía monxes a Roma buscar documentación nos arquivos pontificios. Presena a Aethelbald como rei de toda a illa ao sur de Northumbria inda que este só era rei de Mercia e descendía dun irmán do vello rei Penda. Tamén resume os escasos coñecementos científicos da época: a terra é unha esfera e as mareas son causadas pola Lúa; tamén investiga o xeito de calcular a data da Pascua, e descubre que a data dos equinoccios variara a respecto da prevista no calendario xuliano.

Munuza é derrotado e executado por forzas de Abd al-Rhaman al Ghafiqi en Urxel. A continuación son saquedas as cidades Millau e Arelate.

Tatwin, arcebispo de Canterbury, en sucesión de Bertwald.

Gregorio III prohibe ritos pagáns como predicións baseadas no comportamento das fontes.

Ragenfrido, antigo mordomo de Neustria, reúnese con Eudes de Aquitania para aceptar a súa soberanía e independencia do reino franco. Temeroso dunha alianza na súa contra, Carlos Martelo exila a Wandon, partidario de Ragenfrido e mete na cadea ao bispo Aimar de Auxerre.

Carlos Martelo dirixe dous ataques alén do Loira na rexión de Berry, que conseguen tomar e saquear Bourges; mais a cidade é inmediatamente reconquistada por Eudes de Aquitania.

outono: Ceolwulf de Northumbria é deposto por oponentes e forzado a profesar nun mosteiro.

Abd al-Rahman invade Burgundia e saquea o mosteiro e abadía de Luxeuil, no alto Saona, mascrando a maioría da comunidade.

Aethelbald de Mercia logra apropiarse de Somerset e detraelo da soberanía de Wessex.

batalla do desfiladeiro: un exército umayyad de refresco (28000 homes) é enviado a Samarcanda, asediada polos turgesh. Os musulmáns caén nunha emboscada nos montes Zarafshan no paso de Tashtakaracha. A loita acaba en vitoria pírrica, con moitas baixas musulmás, detendo a expansión en Asia central por unha tempada.

novembro, 1: Gregorio III convoca un concilio no que excomunga a todos os iconoclastas, incluído o emperador León III.

decembro: o rei Yaśovarman de Kanauj envía unha embaixada a China. O seu reino florece e protexe ao poeta Bhavabhuti.

os jázaros atravesan o Cáucaso e chegan a Mesopotamia, onde son freados polo gobernador Maslama ben Abd al-Malik en Mosul. Posteriormente Maslama ataca os jázaros, que se retiran.

o rei Pallava Parameswaravarman morre en combate, derrotado por unha alianza de Chalujya e Ganga.

730

Xoán Damasceno

xaneiro, 17: León III reitera a destrución das iconas. Germanos, patriarca de Constantinopla, é deposto por negarse a refrendar os edictos imperiais e retírase a un mosteiro. As escolas eclesiásticas son clausuradas e os bens da igrexa romana confiscados. Xoán Damasceno, oposto a que o basileus decida cuestións teolóxicas, é reducido ao silenzo. Moitos monxes foxen a Grecia e Italia, e ás covas de Capadocia levando agochadas pequenas iconas.

Carlos Martelo anula a autonomía do ducado alamano, vencendo a Lantfrido.

Abd al-Rahman, emir efémero de al-Andalus logo da morte de al-Samh, volve selo.

Gregorio II solicita axuda franca contra os lombardos pero Carlos Martelo declina inmiscirse.

a igrexa prohibe as peregrinacións femininas; supostamente por haber moitos casos de prostitución encuberta.

a etnia lolo, ao SO de China, ameaza coa secesión, o que obriga a Xuan Zong a intervir.

Liutprando alíase con Eutychius, exarca de Ravenna, e concorda en atacar Roma e restar autonomía aos ducados de Benevento e Spoleto. Os exércitos de Eutychius e Liutprando marchan sobre Roma pero Gregorio convence a Liutprando para abandonar o asedio. O exarca entra en Roma e restablece a legalidade imperial. O bispo, sen embargo, segue opóndose á iconoclastia.

Tiberius Petasius proclámase emperador en Tuscia, mais é derrotado por Eutychius, co apoio de Gregorio II en Monterano, sendo enviada a súa cabeza a León III.

setembro/ outubro: tropas umayyad saquean a fortaleza de Charsianon, en Anatolia.

decembro, 9: batalla de Marj Ardabil, onde os jázaros baixo Barjik invaden as provincias de Jibal e Adharbaydijian e derrotan a 25000 homes en Ardabil (Persia), matando a al-Jarrah ibn Abdallah.

León III demanda unha princesa jázara para o seu fillo Constantino.

728

cidade de Sutri
gl.wikipedia.org

Liutprando ocupa o exarcado de Ravenna e avanza cara Roma pola vía Casia, atopando a Gregorio II en Sutri. Liutprando asina a ‘doazón de Sutri’, pola que partes de Latium (embrión dos ‘estados pontificios’) pasan a mans do bispo de Roma.

en Sicilia os musulmáns tentan entrar en Siracusa pero deben deterse ante un brote de peste e retirarse.

Carlos Martelo non é capaz de someter totalmente Baviera, que queda baixo a autoridade de Hugbert, que debe aceptar a soberanía franca sobre Ingolstadt e Lauterhofen e a parte occidental do Nordgau.

Yahyá, emir de al-Andalus, é substituído por Hudayfa, á súa vez substituído pouco despois por Utmán.

León III nomea novo exarca de Ravenna a Eutychius para pacificar Italia coa propia Ravenna en mans lombardas. Chega a Neapolis pero non dispón de tropas. Fracasa un complot seu para asasinar a Gregorio II mediante un sicario.

Thrasamundo II de Spoleto e Romualdo II de Benevento están en aberta rebelión contra Liutprando.

Wasil ibn Ata, discípulo de Hasan al-Basri, funda o mutazilismo, rompendo co islam ortodoxo: nega a concepción divina do Corán e condea como politeísmo o dogma da trindade. Defende o libre albedrío en contraposición á crenza divina na providencia.

726

www.aliexpress.com

morre Anbasa, sucedido de xeito interino por Udra. Aos poucos meses ocupa o cargo de emir Yahyá, quen decide seguir unha política pacifista, absténdose de atacar tanto a francos como a cristiáns.

León III ordena destruír unha gran icona dourada coa efixie de Cristo na porta Chalké do pazo imperial. Iníciase o conflito da iconoclastia. O basileus publica un serie de edictos nos que se prohibe a adoración das imaxes. A maioría do clero, especialmente en Italia e Grecia, oponse aos edictos dun xeito abertamente hostil e esas rexións rexeitan obediencia ás súas reformas.

Ine de Wessex abdica e peregrina a Roma. O novo rei é Aethelheard, cuñado e curmán lonxano.

Dúngal mac Selbaig é deposto como monarca de Dál Riata, sendo sucedido por Eochaid mac Echdach, fillo do anterior rei Eochaid mac Domangairt.

primeira mención da cidade de Antuerpen.

primeiro torneo de sumō documentado en Xapón.

Maslama ibn Abd al-Malik reinicia expedicións contra Anatolia; nunha delas saquea a cidade fortaleza de Caesarea.

xenetes dirixidos por Abdul Rahman al-Ghafiqi, gobernador da Septimania, devastan Avignon, Viviers, Valence, Vienne e Lugdunum.

morre Marcello Tegalliano, sendo sucedido por Orso Ipato como terceiro dogo de Venecia. É recoñecido por León III, que lle concede o título de hypatos.

actividade sísmica no Mediterráneo: erupción da illa volcánica de Thera, mentres a cidade de Gerash é arrasada por un tremor.

721

Theuderico IV
en.wikipedia.org

febrero, 13: morre Chilperico II en Attigny e Carlos Martelo atopa a un presunto fillo de Dagoberto III, que coloca no trono co nome Theuderico IV.

xuño, 9: al-Samh more no asedio de Tolosa en loita contra Eudes de Aquitania. É sucedido interinamente por Abd al-Rahman al-Ghafiqi, mais o wali de Ifriqiya nomea emir de al-Andalus a Anbasa.

as tropas de Abd al-Rahman retíranse a Narbo e o duque godo Amrus, da zona de Lleida, recoñece a soberanía umayyad.

China asina un tratado de paz cos turcos no que se compromete a pagar un pesado tributo.

os britanos de Cornwall derrotan forzas de Wessex onde o río Hehil.

Kormesij, khan búlgaro, en sucesión de Tervel, pai seu.

K’inich Ahkal Mo’ Nahb III, señor de Palenque.

Alduíno, arcebispo de Colonia.

a princesa Libuše e o seu home Přemysl, pais da dinastía Přemyslid, fundan a cidade de Praga.

Ine de Wessex derrota a Cynewulf, un parente, que desexaba acceder ao trono.

as intensas chuvias e tormentas na proximidade do porto sureño de Yangzhou destrúen máis de 1000 barcos no Gran Canal durante a dinastía Tang.

Bertrada, filla de Theuderico III, e o seu fillo Cariberto, conde de Laón, fundan a abadía de Prum.

xullo: edicto iconoclasta de Yazid II, prohibindo toda representación de criaturas nas disciplinas artísticas. O edicto afecta tanto a cristiáns como musulmáns baixo a súa xurisdicción.

León III decreta a conversión obrigada dos xudeus e monatistas no imperio bizantino.

720

vista aérea de Carcassone
analitica.com

febreiro, 10: morre Umar II, envelenado por un servente, en Aleppo; sucedido polo seu curmán Yazid II.

a extensión do califato supera a calquera imperio precendente. Despois dun século de expansión, os árabes xa non son bárbaros do deserto, mais absorben as culturas dos pobos conquistados. Os califas promoven un sistema xurídico tolerante que permite a prosperidade do califato.

o islam tamén absorve a cultura hindú, especialmente a ciencia e as matemáticas. Os hindús reciben o trato de dhimmi (protexidos) e poden seguir practicando os seus cultos a condición de pagar o imposto especial.

al-Samh conquista Narbo, na Septimania, usando a cidade como base para facer incursións na zona. Morre Ardon, último vestixio da autoridade real goda. Moitos godos néganse á conversión e a submisión e trasládanse ao norte, a Aquitania.

en al-Andalus os postos relevantes da administración repártense entre aristócratas árabes, mais os bérberes de Ifriqiya forman a meirande parte do exército. Logo chegarán sirios, persas, ... En xeral, coñecéselles como mouros (nome dun pobo bérbere que os romanos denominaban mauri).

a poboación cristiá divídese entre mozárabes (conservan a súa relixión) e muladís (conversos ao islam, tamés escravos que gañan así a súa liberdade). Tamén están os xudeus, protexidos polos xefes musulmáns, e agora ne moito mellor situación que cos godos. Os mozárabes gozan de total liberdade de culto, coa única restrición de non tocar as campás durante o Ramadán.

al-Samh asedia Carcassona.

en Xapón remátase a nihon shoki ou nihongi (Crónica de Xapón), unha historia nacional escrita por mandato imperial, elaborada por unha comisión presidida polo príncipe Toneri. Consta de trinta volumes e narra dende a idade dos deuses ata o reinado da emperatriz Jito (finais do século VII). Baséase en lendas e o seu obxectivo é lexitimar a dinastía reinante.

a corte de Xuan Zong é frecuentada por grandes pintores e poetas como Du Fu, Li Bo, Han Yu ou Bo Juyi. Invéntase a xilografía. Así como Wu protexera o budismo, Xuang Zong inclínase polo confucianismo e o taoísmo. Os exércitos chineses ocupan boa parte de Bactriana (os últimos restos do imperio Persa) e así China absorbe elementos da cultura indo-irania. Sen embargo, xorden problemas internos. Existe unha forte rivalidade entre a clase dos funcionarios, ben preparados, que ascenden a través de concursos e exames, e a antiga nobreza, que ve cada vez máis minguadas as súas oportunidades. Por iso, moitos nobres comezan a armarse.

Liutprando conquista Baioariorum plurima castra aproveitándose das dificultades internas do ducado bávaro.

verán: o emperador León III usa colonos eslavos para poboar o thema de Thracesia (Asia Menor) e así afortalar as fronteiras da zona. Asocia ao trono ao seu fillo co nome de Constantino V (cinco anos) e cásao con Tzitzak, filla do khagan jázaro Bihar.

agosto, 25: Yazid ben al-Muhallab rebélase contra Yazid II, sendo derrotado entre Wasit e Kufa por forzas ao mando de al-Abbas ibn al-Walid e Maslama ibn Abd al-Malik, que o reempraza como gobernador de Irak e Khorassan. Yazid é decapitado e a súa familia declarada proscrita: os homes morren, as mulleres e os nenos feitos escravos.

os Tang e os seus aliados Basmil e Khitans atacan os turcos orientais. Bilge Kaghan pode deter o seu avance.

Ine de Wessex constrúe unha igrexa en pedra na abadía de Glastonbury.

último contacto testemuñado entre a igrexa galesa e Yvi, en Bretaña.

719

arrecaballo.es/ xinetes musulmáns contra francos

paz entre Carlos Martelo e Eudes de Aquitania, que domina todos os territorios ao sur e leste do Loira, a excepción de Turena. Eudes recoñece a soberanía de Carlos sobre Neustria e Austrasia e entrégalle a Chilperico II, que é feito prisioneiro.

marzo - abril: al-Samh, gobernador de Corduba e al-Andalus logo do asasinato de al-Hurr. Reconstrúe a vella ponte romana e os muros da cidade. Non presta atención aos 'rebeldes asturianos', emprendendo expedicións alén dos Pireneos, en Septimania. Conquista Narbo (Arbouna para os musulmáns), antes de atacar Tolosa, onde morren moitos defensores e civís.

maio: morre Clotario IV e Carlos Martel decide sacar da cadea a Chilperico II, facéndoo rei de todos os territorios francos. Inda así, moitos nobres francos non recoñecen a autoridade central e gobernan territorios independentes.

cae Lisboa en mans musulmás.

os cristiáns nubios pasan da obediencia ortodoxa á copta.

Anastasius II inicia unha revolta contra León III cun gran exército, incluíndo auxiliares búlgaros aportados por un pacto con Tervel, pero o seu ataque á capital fracasa, sendo capturado e decapitado por orde do basileus.

Carlos Martelo derrota a Radbod, rei frisio: penetra alén do Rhin, ata as marxes do río Vlie.

Grimoaldo é duque único de Baviera, logo das mortes dos irmáns Theodberto, Theodaldo, e Tassilo II; reunifica o ducado logo da guerra civil e fai de Salzburgo a súa capital.

en Exipto prodúcense conversión masivas ao islam coa consecuencia da diminución drástica de ingresos. O wail solicita ao califa que os musulmáns se sometan tamén ás cargas impositivas, pero este négase.

718

representación do asedio de Constantinopla
versión búlgara da Crónica de Manasses, s. XIV
en.wikipedia.org 

primaveira: un flota de subministración baixo as ordes de Sufyan chega ás costas bizantinas procedente de Exipto e Tunis, tratando de camuflarse na costa. Os bizantinos averiguan a localización da flota por medio de mariñeiros exipcios cristiáns. León III envía a flota imperial e destrúen co lume grego os barcos inimigos no mar de Mármara e capturan as subministracións na costa, negándolle algo vital ao exército invasor. En terra, os bizantinos destrúen un exército árabe nunha emboscada nas colinas arredor de Sophon, ao sur de Nicomedia. Os árabes inda sofren pestes e fame.

xuño, 3: eclipse solar total visible en Hispania, Tunis e Exipto.

agosto, 15: León III alíase co khan búlgaro Tervel e derrota os musulmáns no lado occidental do Bósforo. Morren entre 22000 e 32000 musulmáns durante os ataques. Umar II é obrigado a levantar o asedio despois de 13 meses. O exército musulmán intenta retirarse a través de Anatolia mentres o resto escapa por mar nos barcos que quedan. A flota árabe sofre baixas ante as tormentas e a erupción do volcán do Thera. Segundo fontes árabes, morren 150000 musulmáns na campaña.

batalla de Soissons: Chilperico II de Neustria e o seu mordomo Ragenfrido alíanse con Eudes, duque de Aquitania, e marchan cara Soissons, na Picardía. Un exército de veteráns francos ao mando de Carlos Martelo derrota os neustrios, que se renden. Chilperico II foxe ao sur do Loira e Ragenfrido a Angers. Carlos decide diplomaticamente non executar os líderes inimigos e convértese no dux francorum indiscutido, finalizando a guerra civil franca.

Paío négase a pagar tributo aos musulmáns. Al-Hurr envía un continxente contra el comandado por al-Kamma. Ten lugar, ao parecer, a ‘batalla de Covadonga’, que remata coa derrota musulmá, nun lugar de difícil acceso. Debeu ser unha escaramuza menor, mais posteriormente magnificada. Paío casa a Ermesinda, filla súa, con Afonso, fillo de Pedro de Cantabria, forxando unha alianza contra os musulmáns.

Fernando Arias, quizás compañeiro de Paío en Covadonga, é señor de Deza e destacado nobre galego.

traslado das escolas cristiás de filosofía e medicina de Alexandría, que xa perderan a súa anterior potencia e preponderancia dende o momento en que se fundou a islámica cidade de Cairo. Isto causará a perda de moitas lembranzas e a confusión de Xoán o Gramático (s. VI), a quen se lle deben importantísimos Comentarios a Aristóteles, co médico homónimo do s. VII.

Carlos Martelo penetra en Saxonia ata o Weser, arrasando todo ao seu paso, en resposta ao ataque saxón aos hatuari. En Colonia, Plectruda cédelle o tesouro de seu pai e retírase a un convento. Despois de vencer ao seu medio irmán Theodebaldo, Carlos faise mordomo de palacio de Austrasia e goberna en nome de Clotario IV.

Osric, rei de Northumbria, logo da morte de Coenred.

compílase o código Yoro, que da nome á era actual.

Liutprando forxa unha alianza con Carlos Martelo e ataca os castelos bávaros no río Adige, mantendo o control estratéxico dos pasos alpinos.

inicios da loita inconoclasta entre León III e o patriarca Germanos I.

o sushi é mencionado por primeira vez nun documento oficial xaponés.

Bonifacio, misioneiro nado en Wessex, chega a Roma, onde Gregorio II o manda a Saxonia para tentar converter aos saxóns.

Hugh de Champaña, curmán de Carlos Martelo, profesa como abade no mosteiro de Jumièges, en Normandía.

Bilge Kaghan envía unha embaixada para negociar a paz con China. Xuan Zong rexeita a demanda e ordena atacar.

os reis de Boukhara, Samarcanda, e Balkh solicitan axuda chinesa ante o avance musulmán.

717

uso do lume grego durante o segundo asedio de Constantinopla
www.vavel.com

marzo, 21: Carlos Martelo vence os neustrios na batalla de Vincy, na proximidade de Cambrai. Persegue a Chilperico II e o seu mordomo Raganfrido ata Paris.

Carlos Martelo pon no trono de Austrasia a un suposto tío de Dagoberto III, que reina co nome de Clotario IV.

regresa a Colonia e obriga a Plectruda a entregarlle o tesouro de seu pai, Pipino. Perdoa a vida a Plectruda e ao xoven Theudoaldo e obrígalle a aceptar a súa soberanía.

Carlos depón a Rigoberto, bispo de Reims, e substitúeo por Milo. Marcha contra Radbod e faino retroceder cara territorio frisios. Tamén fai retrocedes os saxóns alén do Weser e asegura a fronteira do Rhenus, en nome de Clotario.

logo da derrota de Vincy Chilperico II e o seu mordomo Raganfrido selan unha alianza con Eudes de Aquitania, sendo recoñecido como rei.

lei alamana.

os duques lombardos de Benevento e Spoleto atacan os bizantinos de Italia.

foxe de Corduba un godo chamado Paío, que viaxa cara o norte e refúxiase nos montes de Asturias. Comeza a entablar contactos cos astures.

marzo, 25: a debilidade de Teodosio III e a ameaza de Sulayman, preparado para lanzar un ataque definitivo a Constantinopla, fan que as tropas miren cara Leon o Isauro, strategos do thema de Anatolia, nomeado basileus co nome de Leon III.

Teodosio e o seu fillo profesan e logo será bispo de Éfeso.

Maslam ibn Abd al-Malik dirixe un exército de 80000 homes desde Pérgamo ata Abydos, onde cruza o Helesponto. Para previr a interferencia dos búlgaros ou as forzas bizantinas en Thracia, envía parte do seu exército a unha posición protexida próxima a Adrianópole. Co continxente principal, constrúe liñas de asedio para bloquear a capital, protexida polos muros.

agosto, 15: Maslam inicia o asedio de Constantinopla por mar e terra por orden de Sulayman. A capital é defendida por apenas 25000 homes. León III ordena que os graneiros sexan reabastecidos e instaladas as máquninas de asedio. Os invasores comezan a sufrir moitas baixas produto da enfermidade.

setembro, 1: o almirante Suleiman apoia o ataque terrestre a Constantinopla dirixindo a flota musulmá, con 1800 naves, entra no mar de Mármara e ancla antes os muros para abastecer as tropas terrestres. León IiI ordena usar o lume grego, incendiando así a flota musulmá, da que arden moitas unidades, mentres outras chocan unhas coas outras antes de atacar.

morre Sulayman, sucedido Umar II (ibn ‘Abd al-‘Aziz), o que tamén contribúe a mermar as posibilidades do ataque musulmán.

outono: usurpación de Basil Onomagulos, que é coronado basileus polo strategos Serxio de Sicilia, ao recibir a falsa nova da caída de Constantinopla. León III envía un chartoularios chamado Paulos con instrucións imperiais para o exército bizantino na illa. Basil é arresado e executado, a súa cabeza enviada a León, mentres os outros rebeldes son mutilados e exiliados.

morre Paolo Lucio Anafesto logo de 20 anos de mandato. Sucédeo Marcello Tegalliano, segundo dogo de Venecia.

Nechtan mac Der-llei, rei picto, expulsa os monxes de Iona.

o abade Petronax tenta reconstruír Montecassino.

decembro, 24: un tremor de terra arrasa Syria, que destrúe as igrexas de Edessa.

unha expedición dirixida por al-Hurr ibn Abd al-Rahman al-Thaqafi cruza os Pireneos cunha pequeña forza expedicionaria e entre en Aquitania.

716

León III o Isaurio
teocraciaecumenica.blogspot.com

Abd al-Azid ibn Musa avanza cara o norte e chega a Narbonne, onde é asasinado por orden do califa. É elixido wali Ayyub ibn Habib al-Lakhmi, curmán seu, ata que chega al-Hurr ibn Abd al-Rahman al-Thaqafi, nomeado polo gobernador de África, que traslada a súa base a Corduba.

Akhila réndese e recibe salvagarda do seu patrimonio na zona de Toletum. Os godos elixen a Ardon.

escapan ao control musulmán zonas en Callaecia, territorios vascos e Septimania.

Wynfreth, saxón orixinario de Wessex marcha a Frisia para continuar o labor de Willibrord pero ten que regresar a Nursling porque Radbod é pagán e contrario dos francos.

Próspero, bispo de Tarraco, foxe a Italia coas reliquias e os libros litúrxicos da bispado e Tarraco deixa de existir como tal.

marzo: na batalla de Colonia, Carlos Martelo, mordomo de Austrasia, é derrotado por Chilperico II e Raganfrid, mordomo de Neustria que invaden Austrasia para impoñer a súa vontade ás dúas faccións en Austrasia; Theudoaldo e Plectruda.

simultaneamente Radbod penetra con barcos ata Colonia e alíase con Neustria e Carlos ten que fuxir ás montañas das Ardenas.

abril: na batalla de Amblève, Carlos Martelo derrota a frisios e neustrios cerca de Amel. Ataca os seus inimigos cando estes regresan de Colonia. Segundo os ‘anais de Metz’, Carlos pretende retirarse para destruír os seus inimigos mentres estes descansan e recupera gran parte do rescate pagado por Plectruda a Chilperico.

abril, 18: León III o Isaurio, que dirixe o thema de Anatolia é proclamado basileus coa axuda de Artavasdos, comandante do thema de Armenia, parente seu.

abril, 19: Iona adopta os ritos romanos e abandona os propios do cristianismo celta, que persisten durante tres séculos máis no norte de Inglaterra, pero sen influencia algunha.

abril 29: Chilperico II asina un documento no que se menciona unha relación comercial entre Marsella e oriente. Última mención escrita por longo tempo.

Aethelbald regresa dos Crowland Fens a Mercia e apodérase da coroa logo da morte de seu curmán Ceolred, que o relegara ao exilio. Logra imponer o seu dominio sobre Londres, Essex e todos os ‘midlands’.

Osred I de Northumbria cae en loita contra os pictos en Manau Gododdin. Sucédeo Cenred.

xullo, 22: revolta entre os turcos orientais; morre Qapaghan Khan morre durante unha emboscada organizada polos Bayirku, dirixidos polo seu rival Toquz Oghuz. A súa cabeza acaba en Chang’an, capital Tang.

segue un periodo de anarquía. O seu sobriño Kül Tegin, fillo de Qutlugh, faise co poder logo de matar a Bögü e toda a súa familia. Coloca a seu irmán Bilge Kaghan no trono.

Taquz Oghuz sepárase do khanato turno, iniciando a súa decadencia.

Faramundus, bispo de Colonia.

bizantinos e búlgaros asinan un tratado que recoñece as fronteiras e acordan un tributo anual.

Faroald II de Spotelo apodérase de Classis, o porto de Ravenna pero Liutprando ordena a súa devolución.

710

www.ikuska.com

Witiza (30 anos) nomea sucesor a Akhila, fillo seu, e morre pouco despois. Roderico rebélase en Baetica. O primeiro controla o norte e o segundo o sur. No norte e Septimania habería grupos nobres godos e indíxenas pero tamén suevos en Gallaecia.

marzo, 1: Roderico toma Toletum e Akhila pide axuda aos musulmáns en Ifriqiya. O gobernador de Septem Ylyan (o Xulián cristián) fora vasalo de Witiza pero participa activamente no ataque contra Roderico.

Akhila envía dous medios irmáns a Septem para que Ylyan medie con Tariq ibn Ziyad, berber ou persa, gobernador de Tanxer.

abril, 5: Zhong Zong fai que os principais ministros, xenros e altos oficiais participar nunha festa dentro dun palacio en Chang’an.

primavera: finaliza o periodo Asuka, a segunda e última parte do periodo Yamato; comeza o periodo Nara e Heijō-kyō é agora a capital.

xullo, 3: o emperador é asasinado, quizás envelenado pola emperatriz Wei, que non consegue instalar a súa filla Li Guo’er como herdeira.

xullo, 25: a princesa Taiping e seu sobriño Li Longji organizan un golpe no que morre Wei e restauran a Rui Zong como emperador.

unifícanse os reinos de Nobatia e Makuria, baixo o rei do segundo reino.

xullo: al-Walid encarga a Musa ibn Nusayr unha expedición de recoñecemento a Hispania que dirixe Tarif Abú Zará, que parte de Tanxer con 400 homes e desembarca na actual Tarifa, saqueando unha sección do litoral.

Quersonea rebélase contra Xustiniano II con axuda xázara, que envía unha flota baixo o patrikios Estevo, que toma a cidade e restablece o control bizantino. A flota é desfeita por unha tormenta na volta, mentres que a cidade volve rebelarse.

o xeneral bizantino León recupera Abkhazia dos musulmáns para o imperio.

Lupus I, duque da Gascuña, é asasinado mentres tenta tomar Limoges. Eudes convértese en duque de Gascuña e Aquitania.

Ine de Wessex e Nothhelm de Sussex loitan contra Geraint de Dumnonia, que morre en batalla. O avance de Ine faino dono do actual Devon e establece unha base en Taunton.

outubro, 5: Constantino I acepta o convite de Xustiniano II e instálase no palacio do emperador en Nicomedia. O obxectivo é tratar do concilio de 692, o chamado ‘quinisexto’. En Constantinopla non cesan as purgas.

Beorhfrith loita contra os pictos entre Haefe e Caere (entre os ríos Avon e Carron).

Salih I ibn Mansur funda o reino de Nekor no actual Marrocos, ao leste de Tanxer, e converte as tribos berber ao islam.

acaban as obras da mesquita de Al-Aqsa.

outubro, 27: inicio das incursión musulmáns en Cerdeña.