685

Xustiniano II
es.wikipedia.org

febreiro, 5: Clotario de Kent vencido e morto polo seu sobriño Eadric, que se apropia do poder coa axuda de Sussex.

maio, 7: morre Marwan I, sucedido polo seu fillo Abd al-Malik, que reorganiza a administración, tanto civil como militar, nos territorios que controla tentando colocar árabes en todos os postos relevantes.

maio, 8: morre Bieito II e sucédeo Xoán V que aproveita o baleiro provisional da sucesión en Constantinopla para comezar a exercer sen a autorización imperial.

os pictos rebélanse contra Northumbria. Cuthbert, bispo de Lindisfarne, aconsella non invadir o territorio inimigo pero Ecgfrith desóeo e chega a Dunnincen.

maio, 20: batalla de Dun Nechtain, na que Bridei III mac Bili, rei picto, derrota e mata a Ecgfrith e os anglo-saxóns deben retroceder ata o río Forth.

Ecgfrith é sucedido por Aldfrith, medio irmán seu, que sae de Iona, onde profesaba.

Kuber, irmán de Asparukh, derrota os avaros en Pannonia, e diríxese con 70000 búlgaros cara Macedonia.

batalla de ‘Ayn al-Warda: un exército umayyad (20000 homes) baixo Husayn ibn Numayr derrota a Ras al-‘Ayn en, partidario dos xiítas de Kufa.

Wu Zetian exila a Zhong Zong e a súa familia na illa de Fang Zhou.

Wu Zetian envía unha parella de pandas xigantes ao emperador Tenmu.

setembro: morre Constantino IV Pogonato en Constantinopla de disentería, sendo sucedido por seu fillo Xustiniano II (17 anos), que toma iniciativas en política exterior: asina unha nova paz cos musulmáns para poder centrarse no problema eslavo e mellora a relación cos jázaros, casando cunha princesa desa etnia; tamén se inician labores de repoboación en rexións despoboadas a causa das guerras.

Xoán Maron, primeiro patriarca maronita, un novo cisma na igrexa a raíz do sucedido no concilio ecuménico de Constantinopla.

Eadric rebélase contra Hothlere, tío seu; vénceo e mátao.

Caedwalla, sucesor de Centwine de Wessex. O novo rei reunifica os territorios e ataca cun gran exército Sussex e mata o rei Aethelwealh na batalla de South Downs. É expulsado por Berthun e Andhun, ealdormen de Aethelwealh, que reinan en Sussex xuntos. Caedwalla ataca agora Kent e logra levarse un gran botín cando se retira.

outubro, 18: rebelión xiíta en Kufa encabezada por Mukhtar al-Thaqafi.

Hassan ibn an-Nu’man, comandante musulmán en Africa.

os musulmáns logran controlar a revolta de Kabul matando ao principal dirixente rebelde.

Gregorios I Mamikonian, príncipe de Armenia, morre en combate contra os jázaros, que invaden o norte do país. Achot II Bagratouni é designado sucesor polo califa.

revolta dos kharidjitas, que elixen califa a Nagdah ibn Amir, que controla o leste de Arabia.

erupción do Vesubio.

684

curiosidades.batanga.com

xaneiro, 3: Zhong Zong é entronizado como emperador.

febreiro, 10: K’inich Kan B’alam II acede á soberanía de Palenque.

febreiro, 27: Wu Zetian substitúe a Zhong Zong polo seu irmán máis novo Rui Zong, que é unha marioneta nas mana da emperatriz. Zhong Zong é posto baixo arresto.

morre Ghislemar, mordomo de palacio en Neustria e Burgundia, sendo sucedido por seu pai Waratton, que consigue que haxa paz entre os tres reinos francos.

Ecgfrith de Northumbria comisiona o seu ealdorman Berht para acometer unha expedición de castigo contra Hibernia. Devastan o territorio de Meath, gobernado polo rei Fínsnechta Fledach.

Mu’awiyya II morre en Damasco, sucédeo Marwan I coa oposición de parte de Syria, inmersa en guerras tribais.

verán: o imperio Pallava invade o reino de Ceylan empregando mercenarios támiles que acaban coa dinastía Moriya.

xuño, 26: Bieito II sucede a León II como bispo de Roma, logo de moitos meses de sé vacante pola demora da ratificación imperial. Constantino IV delega, a partir de aquí, no exarca de Ravenna o seu dereito a ratificar a elección dos bispos de Roma.

agosto, 18: batalla de Marj Rahit, na que partidarios de Marwan I derrotan os de Abd Allah ibn al-Zubayr cerca de Damasco e apuntalan o poder umayyad en Syria.

setembro, 7: obsérvase o cometa Halley en Xapón; o primeiro avistamento do que se ten testemuña escrita.

novembro, 13: Tenmu reforma o sistema da rangos en Xapón (yakusa-no-kabane), o que supón unha redución de 24 a oito.

novembro, 14: inicio das sesións do XIV concilio de Toledo.

novembro, 26: prodúcese un enorme tremor de terra en Xapón causando danos enormes.

Cuthbert é elixido bispo de Hexham e recibe a visita dun grupo dirixido por Ecgfrith. Concorda en volver a Lindisfarne para asumir as súas tarefas.

Ansberto, chanceller de Clotario III, bispo de Rouen.

inicio do movemento de penitentes xiítas animado por al-Mukhtar en Kufa.

682

León II
www.magnificat.ca

xaneiro, 3: Venus oculta a Xúpiter.

Ghislemar, mordomo de palacio de Neustria e Borgoña, logo de depor a seu pai Waratton; reverte o tratado de paz con Austrasia asinado con Pipino de Heristal en Namur.

Ecgfrith solicita a Benedict Biscop que constrúa un segundo mosteiro en Jarrow. Benedict deixa Monkwearmouth con 20 monxes (incluído o seu protexido, Beda, inda mozo).

Centwine, rei de Wessex, empurra inda máis os britanos de Dumnonia contra o mar.

Caedwalla busca a Wilfrid para pedirlle consello espiritual pero non chega a bautizarse.

debido a unha combinación de factores desátase unha vaga terrible de fame nas capitais chinesas Chang’an e Luoyang. A ausencia de comida eleva os prezos do gran, rematando así unha época próspera que iniciara Taizong e continuara Gaozong.

Jasaw Chan K’awiil I comeza o seu período como soberano de Tikal.

data do primeiro rexistro da crónica brut y tywysogion.

agosto, 17: León II sucede a Agathon como bispo de Roma logo dun período de sé vacante dun ano e sete meses.

Constantino IV retira o privilexio de ‘autocefalia’ a Ravenna concedido por Constante II, algo percibido polos locais como símbolo perdido da liberdade local.

681

ruínas en Jarrow
(pertencentes ao mosteiro do s. XI)
www.docbrown.info

xaneiro, 9 (ata o 25): Wamba está recluído nun mosteiro (Pampliega, Burgos) e Ervixio convoca o XII concilio de Toledo para lexitimar a súa situación; o novo rei insiste en lexislar contra os xudeus (moitos conversos estaban volvendo á súa antiga fe ante a debilidade da monarquía goda) e suprime leis que buscaban limitar a violencia contra os escravos; suaviza as sancións contra os que non cumpren coas súas obrigas militares e restitúe os bens dos nobres que apoiaran a Paulus; formúlanse anatemas contra os adoradores de ídolos.

xaneiro, 10: Agathon morre dunha peste declarada en Roma.

marzo, 28: no concilio de Constantinopla dítase unha condena contra o Honorio I pola súa actitude equívoca ante o monotelismo.

setembro, 16: final das sesións do concilio ecuménico. Roma e Constantinopla volven a estar unidas. O patriarca da capital alcanza o cumio do seu poder en contraposición á debilidade dos bispos de Roma, controlados polo exarca.

setembro: Constantino IV recoñece o estado búlgaro independente en Moesia e paga tributo para evitar ataques a Thracia, onde se crea un thema como medida defensiva.

Constantino IV ordena mutilar (o nariz) a Heraclio e Tiberio, irmáns seus, debido ás súas supostas intrigas para que non poidan reinar. Ordena que non volvan aparecer nas moedas e que os seus nomes desaparezan da documentación oficial. Eleva a seu fillo Xustiniano II ao rango de basileus.

estala unha revolta militar no thema de Anatolia e o exército marcha cara Chrysopolis e envía unha delegación a Constantinopla demandando que os dous irmáns sexan restablecidos nas súas funcións. Constantino IV chega a un compromiso e convence o exército a que volva ás súas bases. Convida os líderes á capital e consulta co senado a situación. Sen embargo, cando os líderes chegan á capital son arrestados e colgados en Sycae.

Aethelwalh de Sussex proporciona a Wilfrid terras en Selxey para fundar unha catedral, chamada ‘abadía de Selsey’.

Ecgfrith de Northumbria pide que os monxes de Monkwearmouth funden un mosteiro en Jarrow.

armenios, albaneses e iberos rebélanse contra o califato.

Kutluk Khan restablece o khaganato turco.

Kusakabe, segundo fillo de Tenmu, é feito príncipe herdeiro.

Eudes, duque de Aquitania.

680

triente de Ervixio
ceca de Emerita

Pertarito instala a Cuniperto, fillo seu, como corexente; e asina un tratado de paz con Constantino IV, no que este recoñece oficialmente o status quo en Italia.

marzo, 27: concilio de Roma, para preparar o ecuménico de Constantinopla.

Pipino de Heristal chega a mordomo de palacio en Austrasia.

Caedwalla de Wessex excédese nas súas ambicións contra seu rival Centwine, que o condena a vivir illado nos bosques de Chiltern e Andred.

abril, 18: morre Mu’awiyya, sucedido polo seu fillo Yazid I, segundo califa umayyad e sexto do islam. Os shiitas rebélanse en Kufa e convidan a Hussein ibn Ali a dirixilos.

batalla de Lafotao, na que tropas de Neustria baixo Ebroino derrotan a Pipino de Heristal.

unha lenda di que Martiño, irmán ou colaborador próximo a Pipino, se refuxiou nun santuario, de onde non se podía quitalo sen cometer sacrilexio. Ebroino envía dous bispos que lle xuran sobre unha caixa con reliquias que non se lle faría dano. Martiño accede a saír do seu refuxio pero Ebroino non tarda nada en executalo. Os bispos non dixeran que a caixa non tiña reliquia algunha.

maio, 15: Ebroino é asasinado por Ermenfroi e substituído por Waratton.

outubro, 10: batalla de Karbala, na que Yazid mata a Hussein ibn Ali (decapitado por Shimr ibn Dhi ‘l-Jawshan), a súa familia e os seus principais colaboradores. Isto marca o punto irreconciliable entre sunitas e shiitas, que escollen como líder ao imán Ali Zain al-Abidin.

outubro, 14: Wamba asiste a un banquete organizado polo seu sobriño, o conde Ervixio; sufre un ataque cataléptico (ou é narcotizado) e, pensando que morrera, os seus servos tonsúrano e vísteno de monxe para ‘facilitar a súa entrada nos ceos’; sen embargo, esperta e cando o fai é forzado a abdicar (os tonsurados non poden reinar) e profesar nun mosteiro.

outubro, 15: Ervixio, elixido rei godo; insiste en medidas contra os xudeus.

Theodoro, arcebispo de Canterbury convoca un sínodo en Hatfield que confirma o rexeitamento ao monotelismo.

Wilfrid retorna a Northumbria co apoio de Roma pero Ecgfrith exíliao novamente e ten que viaxar a Sussex, onde evanxeliza o pobo.

novembro, 12: inicio das sesións do sexto concilio ecuménico en Constantinopla. O obxectivo é rematar co monotelismo.

Constantino IV reforza a sona do imperio logo da derrota dos musulmáns; sen embargo, decátase de que Syria e Éxito son irrecuperables e que o monotelismo era fonte inútil de discordia con occidente.

Theodo II, duque bávaro.

Bonitus, nomeado prefecto de Massilia por Theuderico III.

679

santa Comba de Bande
www.travellersbook.net

aprox., construción de Sta. Comba de Bande.

os jázaros empurran os búlgaros cara territorios bizantinos, establecéndose no delta do Danubio. Constantino IV monta unha operación terrestre e naval que suma 25000 homes para contelos e ataca a base búlgara en Dobruja.

Constantino IV é derrotado na batalla de Ongal: a cabalería búlgara esfarela as liñas bizantinas mentres o emperador está en Nesebar para ser atendido de dores nas pernas.

Asparuch atravesa o Danubio coa súa horda, toma portos como Odessos e domina Moesia.

Georgios I, novo patriarca de Constantinopla, en sucesión de Theodoros I.

Constantino IV asina un tratado de paz con Mu’awiyya (estipúlanse 30 anos sen agresións mutuas) pola que o califa paga 3000 nomismata (libras de ouro), 50 cabalos e 50 escravos. Os musulmáns retiran as súas posicións nas costas bizantinas e incluso abandonan Chipre e Rhodas.

Aethelred de Mercia casa coa princesa Osthryth, irmá de Ecgfrith de Northumbria.

Adomnan, crego e avogado, novo abade de Iona.

os tibetanos controlan a conca do Tarim logo da batalla de Ta-fei-tch’ouan.

decembro, 23: Dagoberto II, rei de Austrasia, é asasinado por instigación de Pipino de Heristal durante unha cacería cerca de Stenay-sur-Meuse. Os catro fillos varóns do rei morreran antes que el. Theuderico III é agora rei de todos os territorios francos.

Pipino de Heristal é fillo de Begga, filla de Pipino de Landen, e Ansexisal, que sucedera ao de Landen como mordomo de palacio.

asemblea de Duvno coa presenza de Agathon e Constantino IV que deciden a creación de dous bispados diferentes para croatas e serbios.

677

gl.wikipedia.org
codex skylitzes matritenses

xullo, 25: segue o asedio a Constantinopla pero a flota musulmá é destruída ao sur de Anatolia pola acción combinada dun temporal e un ataque imperial en Syllaeum, que usa o ‘lume grego’ desenvolvido por Calinico de Heliopolis e causa pavor entre as tropas musulmás. Os exércitos de Constantino IV Pogonatos van tomando a iniciativa e facendo retroceder aos musulmáns.

os búlgaros onogur son perseguidos e dispersados polos jázaros, que establecen un imperio na estepa, centrado no baixo Volga.

Warinus, nobre franco, é lapidado ata a morte cerca de Arrás a causa do conflito entre seu irmán Leodegario, bispo de Autun, e Ebroino, mordomo de Neustria.

a dinastía Tang declara ao deposto Bojang de Goguryeo, rei de Joseon, encargándolle a custodia da área de Liaodong baixo o ‘protectorado xeral para pacificar o leste’.

setembro, 15: logo dunha batalla con resultado incerto entre Neustria e Austrasia, Theuderico III reúne en Malay-le-Roi unha asemblea polo interese da igrexa e para a confirmación da paz, a demanda de Ouen de Rouen.

o pergameo substitúe o papiro como material de escritura na chancelería real merovinxia.

672

Wamba
www.hislibris.com

xaneiro, 7: en Xapón morre o emperador Tenji; deixa 14 fillos que se disputan a sucesión. O seu favorito, Kōbun (23 anos), que recibira o título de daijō-daijin, resulta o gañador na disputa.

xaneiro, 27: morre Vitaliano.

abril, 11: Adeodatus II, monxe beneditino, elixido bispo de Roma.

xuño: inicio da jinshin no ran, guerra civil de sucesión en Xapón entre Kōbun e o seu tío, o príncipe Ō-ama.

agosto, 21: Kōbun é vencido e suicídase; é sucedido por Ō-ama, o 40º emperador do Xapón co apoio do clan Fujiwara, e adopta o nome de Tenmu.

setembro, 1: morre Recesvinto.

setembro, 19:  elíxese como sucesor a Wamba, de posible liñaxe sueva. A elección non é aceptada por toda a nobreza.

Wamba e Xulián de Hispalis, el mesmo converso, pactan a erradicación completa do xudaísmo en Hispania.

concilio de Hertford, convocado e presidido por Theodoro, arcebispo de Canterbury, onde están todos os bispos de Britannia; reorganízase a estrutura eclesiástica e promóvese a copia e conservación de manuscritos nos mosteiros co que se conserva parte da herdanza romana.

Caedmon, seica un pastor analfabeto, soña un poema, ingresa no mosteiro de Whitby, onde a abadesa Hilda recoñece o seu talento e lle ofrece hospitalidade. Escribe un himno sobre a creación e recrea varios temas bíblicos en lingua anglo-saxona.

un gran exército musulmán instálase no Bósforo, acompañado dunha gran flota. Constantino IV toma medidas para resistir un longo asedio. 

comezan ataques musulmáns a portos de Hispania. Os godos perseguen os xudeus, a quen acusan de pactar cos atacantes musulmáns.

morre Cenwalh de Wessex, sucedido pola súa viúva Seaxburh, pero Wessex sufre continuas divisións territoriais entre xefes locais.

Máel Ruba, abade irlandés, funda un dos mosteiros de Applecross en territorio picto.

Wilfrid, bispo de Eboracum, trae albaneis e artesáns de Gallia e Italia para construír a catedral de Ripon.

Inicio do mandato de Parameshvaravarman I, en India.

inicio da escultura rupestre xigante de Longmen, en China.

669

Cyzicus
en.wikipedia.orgt

Iohannes V, patriarca de Constantinopla.

Theodoro de Tarsus, arcebispo de Canterbury, decide contra Chad e a favor de Wilfrid na cuestión do bispado de Eboracum.

Mu'awiyya I nomea o seu fillo Yazid I sucesor, fundando así a dinastía ummayad.

primavera: as forzas musulmás toman Chalcedonia e ameazan a capital; pero son moi minguadas pola fame e as pestes e Yazid decide recuar ata a illa de Cyzicus.

Ecgberht de Kent perde a soberanía de Surrey a mans de Wulhere de Mercia.

novembro, 14: Kamatari, estadista e reformista xaponés, recibe o apelido Fujiwara do emperador Tenji como recoñecemento aos seus servizos e morre na prefectura Yamato.

represión dun motín de tropas bizantinas en Chrysopolis: os soldados reclaman o reparto de poder entre Constantino IV e os seus irmáns. Os líderes da revolta son aforcados e a revolta cesa.

668

Constantino IV Pogonatos

Kotrag, khagan dos búlgaros, dirixe os jázaros para derrocar o seu irmán Batbayan dos onogures e marcha cara o sur entrando no Cáucaso.

Asparukh, líder dos utigures, abandona a zona de Ongal a Kotrag e entra en Moesia.

forzas musulmás conquistan os territorios dos garamantes, no deserto de Libia.

marzo, 26: Theodoro de Tarsus, consagrado por Vitaliano como arcebispo de Canterbury; é enviado a Britannia co monxe africano Adriano para ocuparse da escola catedralicia de Canterbury e da escola monástica de Pedro. Introduce o sistema romano de ‘parroquias’, que será o modelo para o estado secular.

Colman de Lindisfarne, con 30 discípulos, navega ata Hibernia, asentándose en Inishbofin e funda un mosteiro.

xullo, 15: revolta en Siracusa.

setembro, 15: Constante II é asasinado en misteriosas circunstancias no baño por un garda de palacio durante un motín en Siracusa.

a corte regresa a Constantinopla logo de cinco anos de ausencia.

os fillos de Constante sucédeno conxuntamente: Constantino IV, (14 anos), Heraclio e Tiberio.

Mu’awiyya recibe un convite de Saborios, comandante bizantino das tropas en Armenia para tentar derrocar a Constantino IV. Envía un exército baixo o seu fillo Yazid contra o imperio bizantino.

Yazid chega a Chalcedonia e toma Amorium.

Mezezius, xeneral armenio e patrikios, é proclamado emperador polo exército que permanece en Siracusa.

Constantino IV reúne un exército e parte a Sicilia para aplacar a rebelión e vingar a morte de seu pai.

novembro: tropas Tang, cuxos líderes selecciona persoalmente Wu Zetian, colaboran co rei de Silla para completar a conquista do reino de Goguryeo.

inicio do reinado de Mahendravarman II, rei de Kanchi.

654

Constante II con Constantino IV Pogonatos

Frutuoso, bispo de Braga.

publícase o liber judiciorum, baseado no dereito romano e que equipara os godos e o resto da poboación en Hispania.

marzo, 1: a comunidade xudía de Toletum asina un placitum, onde se compromete a non manter relacións cos seus ‘irmáns’ bautizados, nin practicar a circuncisión, nin celebrar o sabá, nin practicar o restos dos seus costumes e crenzas ancestrais e adoptar os cristiáns.

abril: Constante II nomea o seu fillo Constantino IV Pogonatos (2 anos) augustus.

en China, a emperatriz Wang é acusada de ter tentado envelenar o emperador. A concubina Wu Zhao é nomeada emperatriz, que manda asasinar a Wang e a outra concubina.

Penda derrota a Anna de East Anglia en Blythburgh. Anna e o seu fillo Jurmin morren na loita.

Aethelhere sucede a seu irmán no trono de East Anglia e acepta a autoridade de Penda.

Mu’awiyya fai de Chipre unha base para seguir a conquista das illas do Mare Nostrum. Conquista Kos.

setembro, 17: Martiño I é conducido a Constantinopla e alí condenado (decembro, 15) a ser desmembrado polo delito de lesa maxestade.

novembro, 24: morre Kōkotu e a súa irmá Kōgyoku sucédeo no trono co nome de Saimei.

Takamuko no Kuromaro é enviado á corte Tang pero morre nada máis chegar a Chang’an.

Petros, novo patriarca de Constantinopla.

peste en Provenza, Latium e Ticinum.