702

Musa ibn Nusayr
ar.wikipedia.org

Musa ibn Nusayr controla todo o actual Marrocos, logo da conquista de Tanxer e Sous.

prodúcense numerosas fugas de escravos e Exica promulga unha lei que permite detelos e torturalos para que ‘confesen a súa condición’ e poidan ser devoltos á súa situación anterior.

febreiro, 20: morre K’inich Kan B’alam II, ajaw de Palenque, sucedido por seu irmán K’inich K’an Joy Chitam II (maio, 30).

abril, 4: al-Hajjaj derrota a Ibn al-Ash’ath, en rebelión contra os umayyad na batalla de Dayr al-Jamajim nas proximidades de Kufa. al-Hajjaj ben Yusef crea a vila militar de Wâsit para vixiar o Éufrates.

decembro: Witiza sucede a Exica como rei godo, que morre asasinado nunha conxura quizás articulada por Roderico.

Behrtwald, arcebispo de Canterbury, convoca o concilio de Austerfield para decidir sobre os dereitos de Wilfrid, a quen se lle ofrece a abadía de Ripon, se renuncia ao bispado. Pero Wilfrid rexeita a oferta e apela a Roma.

os piratas etíopes ameazan Djedda, porto de a Meca. Os árabes reaccionan e destrúen a flota de Aksum e establécense en Massaoua e as illas Dahlac, e logo destrúen e incendian Adulis e outros enclaves na costa eritrea.

Aksum, sen bases marítimas, queda reducido á impotencia política e económica. Interrómpese a acuñación de moeda. O poder desprázase cara as provincias máis montañosas.

o patricius Antenor domina a Provenza.

700

Hamwic
www.archeurope.eu

morre Cuniperto, sucedido polo seu fillo Liutperto, menor, baixo a rexencia de Ansprando, duque de Asti.

Pipino de Heristal, mordomo de palacio, estende o reino franco, conquista Turinxia e ataca os alamanos.

Geraint de Dumnonia recibe carta de Aldhelm, bispo de Sherborne, para que a igrexa celta se someta ás directrices de Roma.

Ine de Wessex reorganiza o reino con ealdormen.

Eóganachta, unha dinastía irlandesa con orixe en Cashel, comeza a dominar todo o sur de Hibernia.

Hamwic, en Wessex, comeza a destacar como cidade comercial.

Mohammad ibn al-Ash’ath rebélase contra o califa Abd al-Malik nas rexións persas de Sistan e Balochistan.

Abdallah ibn Abd al-Malik captura Theodosiopolis en Armenia.

Musa ibn Nusayr derrota forzas bérberes en Alxeria, acabando coa súa resistencia ante os árabes.

o comercio de escravos a través do Sáhara propicia a creación da cidade de Zawila.

‘compóñense’ os evanxeos de Lindisfarne.

os turcos ‘tujue’ atacan Sogdiana.

Narasimhavarman II, rei pallava, que marcará un hito ao abandonar a arquitectura rupestre e pasar a construír edificios de granito (templos de Ravage, Kailâsanâtha en Kanchi, e Vaikunthaperumal).

inicios da cultura mixteca (Serra Madre e outros lugares montañosos de Mexico).

a nobreza e o clero en Hispania son cada vez máis autónomos do poder do rei godo. Exica non é quen de frear o proceso.

698

maqueta de Tui medieval
tiniandres.blogspot

primavera – verán: Carthago cae novamente en mans do exército musulmán dirixido por Hasan ibn al-Nu’man e as instalacións portuarias (comerciais e militares) son destruídas. Os musulmáns fundan Tunis.

as tropas bizantinas que sobreviven retíranse a Creta, onde se sublevan e nomean basileus a un xeneral chamado Apsimar, que adopta o nome de Tiberio III. O novo emperador chega a Constantinopla, apresa e Leontios, que corre a mesma sorte que Xustiniano II, sendo recluído nun mosteiro.

outono – inverno: o novo emperador goberna eficazmente e seu irmán Heraclio cruza cun exército os pasos montañosos de Taurus e entra en Cilicia, lanza unha campaña en Syria, derrota unha forza árabe procedente de Antioquia e chega a Samosata.

Teodomiro, gobernador godo do Levante, enfróntase a unha flota grega que pretende desembarcar en Hispania. Poden ser restos da flota de guerra bizantina expulsada de Carthago ou outras bases conquistadas polos musulmás, ou refuxiados, ou as dúas cousas.

novembro, 15: Exica nomea sucesor e co–rexente a Witiza, fillo seu, e ordénalle vivir en Tude para que ‘o pai teña o reino dos godos e o fillo o dos suevos’; isto proba a persistencia dunha identidade sueva, diferenciada da goda.

Fiannamail ua Dúnchado, sucede a Ainbcellah, como rei de Dal Riata.

un sínodo en Aquileia decide o final do cisma dos ‘tres capítulos’ e os bispos presentes sométense á autoridade de Roma, confirmada nun sínodo de reconciliación en Ticinum.

Berhtred morre á cabeza dun exército de Northumbria en territorio picto; sen embargo, os anglo-saxóns anexan o reino de Cait.

al-Kahina é derrotada nos Aures, finalizando a resistencia bérber contra os musulmáns.

Qapaghan Qaghan conquista partes de Transoxiana.

Willibrord establece unha abadía en Echternach co apoio de Irmina, filla de Dagoberto II.

creación de Balhae, reino no norte da península de Korea.

dinares coa data 698 van a parar ata a Escandinavia.

694

crónica Peterborough, que recolle
o código lexislativo de Ine
es.wikipedia.org

publicación dun código lexislativo promovido por Ine de Wessex.

Wihtred de Kent asina a paz con Ine de Wessex.

Sebbi de Essex desexa dedicarse á vida monacal e abdica nos seus fillos Sigeheard, Swaefred e Offa de Essex.

Asuka-kyō, co palacio Kiyomihara, deixa de ser capital de Xapón, que pasa a Fujiwara-kyō.

morre Asparukh e sucédeo Tervel como líder dos búlgaros.

os maronitas rexeitan a petición de Xustiniano II de retractarse e vencen na batalla de Amiun.

novembro, 9: inicio das sesións do XVII concilio de Toledo. Exica sospeita da confluencia dos xudeus de Hispania cos de Africa. Decrétase a disolución das ‘aljamas’, a escravitude de todos os xudeus e a prohibición dos seus ritos; tamén deben entregar os fillos aos sete anos para ser educados coma cristiáns.

693

commons.wikipedia.org

Leontios cae en desgraza co emperador a pesar de loitar lealmente para o imperio en contra dos musulmáns.

Siseberto, arcebispo de Toledo, encabeza unha rebelión contra Exica, na que planea matalo xunto coa raíña, Liuvigoto, pero é descuberto, despoxado dos hábitos e excomungado.

abril, 25: inicio das sesións do XVI concilio de Toledo, no que Exica pretende reforzar a súa seguridade; os rebeldes son anatematizados e o forum iudicum modificado. Insistencia nas medidas contra a comunidade xudía. Menciónase a Félix como bispo de Dumio e metropolitano de Bracara.

Calinicos I, patriarca de Constantinopla, en sucesión de Paulos III.

Bertwald, arcebispo de Canterbury.

outubro, 5: eclipse solar total en Gallia, Italia, Balcáns, Anatolia e Mesopotamia.

morre Oshere de Hwicce (baixo a supremacía de Mercia), sucedido polos seus catro fillos: Aethelberht, Aethelheard, Aethelweard e Aethelric.

Ine de Wessex establece o seu propio código legal para recuperar a autoridade dentro do seu reino.

peste en Narbonnensis.

687

Egica Rex
codex emilianensis
es.wikipedia.org

abril: a rebelión xiíta de al-Mukhtar en Kufa é reprimida por Musab inb Zobair, irmán de Abd Allah ibn Zobair.

xuño: batalla de Tertry na que Pipino de Heristal vence de xeito decisivo, coa alianza dalgúns nobres de Neustria a Berthario, mordomo de Neustria e Burgundia, que morre pouco despois. Theuderico III e o seu tesouro son postos baixo vixianza e Pipino reunifica o goberno de todos os territorios francos. Nomea a Nordeberto, conde de París, mordomo de Neustria, e intenta que a súa autoridade sexa efectiva en todo o reino pero esta é nula ao sur do Loira e en Burgundia.

Kent rebélase contra a soberanía de Wessex e o rei imposto Mul é queimado vivo. Caedwalla víngase arrasando o reino e Aethelred de Mercia aproveita a situación para estender os seus dominios.

Xustiniano II sela un novo tratado cos musulmáns, polo que estes pagan tributo e el acolle a 12000 maronitas de Líbano, que resistían duramente o asedio árabe; son trasladados a Thracia, Cilicia e Pamphilia. Acorda tamén repartirse os impostos de Armenia, Chipre e Iberia

Xustiniano reforza a flota bizantina en Chipre e transfire tropas de cabalería de Anatolia a Thracia.

Paulos III, novo patriarca en Constantinopla.

inicio das obras da mesquita de Umar en Xerusalem.

morre Ervixio, que apunta ao seu xenro Exica como posible sucesor.

novembro, 24: inicio oficial do reinado de Exica, que tamén era sobriño de Wamba. Declarara a intención de reconciliar ambas familias pero o novo rei, coa autorización do XV concilio de Toledo, deslígase do xuramento prestado a súa muller e repúdiaa.

decembro, 15: Serxio I é elixido como sucesor de Conon. Aparece en escena outro candidato, Pascual I.

Xustiniano II rompe o tratados cos búlgaros e ataca os eslavos pero é atrapado nunha emboscada e debe negociar un novo tratado.

Adomnan, abade de Iona, vista Northumbria para tentar liberar prisioneiros irlandeses capturados nunha incursión en Hibernia.

Cuthbert, bispo de Lindisfarne, abandona o bispado e retírase como eremita en Inner Fame, onde morre logo dunha grave e penosa enfermidade.

morre Romualdo, duque de Benevento, sucedido por Xisulfo.

o iussio de Xustiniano II confirma que Septem e Cerdeña posúen bases militares bizantinas importantes. Tamén quizás nas Baleares, segundo Nicolás Oikonomides, que aparece recollido na ‘listaxe árabe de al-Djarmi’ (s. IX).

701

xaneiro, 25: vitoria de ibn al-Ash’ath sobre os umayyad en Tustar sobre as forzas do gobernador. Establécese en Kufa en marzo.

setembro, 8: morre Serxio I.

outubro, 30: Xoán VI, novo bispo de Roma, coa oposición de Tiberio III.

publicación do código Taiho en Xapón, o que implica, sobre todo, a centralización do poder; por exemplo, o emperador é agora o dono de todas as terras.

Raxinperto sublévase contra Liutperto e Ansprando, a quen vence nas proximidades de Novara. Raxinperto, sen embargo, morre e sucédeo seu fillo Ariperto II.

Ariperto II, que ataca a Liutperto en Ticinum, fai que o estrangulen e procede de xeito brutal contra a familia de Ansprando, que foxe cara Baviera.

os musulmáns vencen os bérberes na batalla de Taharqa e al-Kahina morre na retirada.

morre Asparukh, sucedido polo seu fillo Tervel como khan búlgaro.

batalla de Dayr al-Jamajim, na que o califa Abd al-Malik ibn Marwan reforza a Al-Hajjaj ibn Yusuf e enfróntase a un exército de 200000 homes dirixidos por Abd al-Rahman ibn Muhammada ibn al-Ash’ath, cerca de Kufa, que é derrotado; conclúe a rebelión contra o califato umayyad.

Muhammad ibn Marwan invade Armenia, ao leste do Éufrates e o comandante Baaner réndese; a poboación acepta un gobernador musulmán.

os musulmáns da península Arábiga destrúen o porto de Adulis, controlado polos etíopes de Aksum.

comerciantes árabes introducen as espacias orientais nos portos do ‘marenostrum’. Algúns barcos comerciais chegan ás illas Maluku por primeira vez.

prolóngase unha gran seca en Hispania, ao que se suma un andacio de peste. Witiza trata de mellorar a imaxe da monarquía decretando amnistía contra os nobres perseguidos por seu pai, restituíndolles os bens. Detén tamén as medidas tomadas contra a comunidade xudía, que pasa a apoialo nas súas políticas.

Xisulfo de Benevento lanza un ataque contra o exarcado de Ravenna e aprópiase dunha parte do mesmo.