731

venerabilis Beda
venerabilisbeda.plgo.org

febreiro, 11: morre Gregorio II.

marzo, 18: Gregorio III, de orixe siria, novo bispo de Roma.

Gregorio III xoga a dúas bandas con lombardos e bizantinos: logra que Roma non sexa ocupada polos lombardos. Tamén tenta que os francos interveñan en Italia no seu favor, facendo de contrapeso contra lombardos e bizantinos.

Beda escribe en Northumbria a historia eclesiástica da nación inglesa. Vive no mosteiro de Jarrow, fundado por Bieito Biscop; rexeitara o cargo de abade para dedicarse por completo aos seus libros e estudos.

a súa historia é notable por datar os acontecementos dende o nacemento de Cristo. É crítico coas lendas e envía monxes a Roma buscar documentación nos arquivos pontificios. Presena a Aethelbald como rei de toda a illa ao sur de Northumbria inda que este só era rei de Mercia e descendía dun irmán do vello rei Penda. Tamén resume os escasos coñecementos científicos da época: a terra é unha esfera e as mareas son causadas pola Lúa; tamén investiga o xeito de calcular a data da Pascua, e descubre que a data dos equinoccios variara a respecto da prevista no calendario xuliano.

Munuza é derrotado e executado por forzas de Abd al-Rhaman al Ghafiqi en Urxel. A continuación son saquedas as cidades Millau e Arelate.

Tatwin, arcebispo de Canterbury, en sucesión de Bertwald.

Gregorio III prohibe ritos pagáns como predicións baseadas no comportamento das fontes.

Ragenfrido, antigo mordomo de Neustria, reúnese con Eudes de Aquitania para aceptar a súa soberanía e independencia do reino franco. Temeroso dunha alianza na súa contra, Carlos Martelo exila a Wandon, partidario de Ragenfrido e mete na cadea ao bispo Aimar de Auxerre.

Carlos Martelo dirixe dous ataques alén do Loira na rexión de Berry, que conseguen tomar e saquear Bourges; mais a cidade é inmediatamente reconquistada por Eudes de Aquitania.

outono: Ceolwulf de Northumbria é deposto por oponentes e forzado a profesar nun mosteiro.

Abd al-Rahman invade Burgundia e saquea o mosteiro e abadía de Luxeuil, no alto Saona, mascrando a maioría da comunidade.

Aethelbald de Mercia logra apropiarse de Somerset e detraelo da soberanía de Wessex.

batalla do desfiladeiro: un exército umayyad de refresco (28000 homes) é enviado a Samarcanda, asediada polos turgesh. Os musulmáns caén nunha emboscada nos montes Zarafshan no paso de Tashtakaracha. A loita acaba en vitoria pírrica, con moitas baixas musulmás, detendo a expansión en Asia central por unha tempada.

novembro, 1: Gregorio III convoca un concilio no que excomunga a todos os iconoclastas, incluído o emperador León III.

decembro: o rei Yaśovarman de Kanauj envía unha embaixada a China. O seu reino florece e protexe ao poeta Bhavabhuti.

os jázaros atravesan o Cáucaso e chegan a Mesopotamia, onde son freados polo gobernador Maslama ben Abd al-Malik en Mosul. Posteriormente Maslama ataca os jázaros, que se retiran.

o rei Pallava Parameswaravarman morre en combate, derrotado por unha alianza de Chalujya e Ganga.

730

Xoán Damasceno

xaneiro, 17: León III reitera a destrución das iconas. Germanos, patriarca de Constantinopla, é deposto por negarse a refrendar os edictos imperiais e retírase a un mosteiro. As escolas eclesiásticas son clausuradas e os bens da igrexa romana confiscados. Xoán Damasceno, oposto a que o basileus decida cuestións teolóxicas, é reducido ao silenzo. Moitos monxes foxen a Grecia e Italia, e ás covas de Capadocia levando agochadas pequenas iconas.

Carlos Martelo anula a autonomía do ducado alamano, vencendo a Lantfrido.

Abd al-Rahman, emir efémero de al-Andalus logo da morte de al-Samh, volve selo.

Gregorio II solicita axuda franca contra os lombardos pero Carlos Martelo declina inmiscirse.

a igrexa prohibe as peregrinacións femininas; supostamente por haber moitos casos de prostitución encuberta.

a etnia lolo, ao SO de China, ameaza coa secesión, o que obriga a Xuan Zong a intervir.

Liutprando alíase con Eutychius, exarca de Ravenna, e concorda en atacar Roma e restar autonomía aos ducados de Benevento e Spoleto. Os exércitos de Eutychius e Liutprando marchan sobre Roma pero Gregorio convence a Liutprando para abandonar o asedio. O exarca entra en Roma e restablece a legalidade imperial. O bispo, sen embargo, segue opóndose á iconoclastia.

Tiberius Petasius proclámase emperador en Tuscia, mais é derrotado por Eutychius, co apoio de Gregorio II en Monterano, sendo enviada a súa cabeza a León III.

setembro/ outubro: tropas umayyad saquean a fortaleza de Charsianon, en Anatolia.

decembro, 9: batalla de Marj Ardabil, onde os jázaros baixo Barjik invaden as provincias de Jibal e Adharbaydijian e derrotan a 25000 homes en Ardabil (Persia), matando a al-Jarrah ibn Abdallah.

León III demanda unha princesa jázara para o seu fillo Constantino.

729

Northumbria
en.wikipedia.org

Ceolwulf de Northumbria nomea sucesor a Osric, parente e irmán de Coenred.

batalla de Ravenna: tropas ao mando de Eutychius son derrotadas por tropas pagadas por Gregorio II.

Eudes de Aquitania e Munuza, gobernador musulmán de Cerdaña, alíanse ao casar este coa filla bastarda de Eudes, Lampegia.

batalla de Baykand: tropas umayyad escapan por pouco á derrota total ao ser illadas das fontes de subministracións e auga potable polos turgesh; conseguen chegar a Bukhara, na Transoxiana.

asedio de Kamarja: un pequeno destacamento árabe defende esta fortaleza contra os turgesh durante 58 días, logrando negociar unha retirada cara Samarcanda.

abril: al-Haytham ibn Ubayd al-Kilabi chega a emir de al-Andalus e envía unha expedición contra Munuza, que rexeita participar en operacións contra a Gallia. Munuza é vencido e morto no seu propio castelo e Lampegia é enviada cautiva ao califa.

á segunda tentativa a flota bizantina ao mando de Eutychius logra recuperar Ravenna coa axuda de Venecia e Gregorio II, que teme o poder excesivo de Liutprando. Hildeprando, sobriño do rei lombardo, é apresado. Un contixente lombardo de refresco é derrotado e os lombardos evacúan o exarcado e a Pentápole.

proclámase un emperador en Toscana, Tiberius Petasius, pero é derrotado, decapitado e enviada a súa cabeza a Bizancio.

728

cidade de Sutri
gl.wikipedia.org

Liutprando ocupa o exarcado de Ravenna e avanza cara Roma pola vía Casia, atopando a Gregorio II en Sutri. Liutprando asina a ‘doazón de Sutri’, pola que partes de Latium (embrión dos ‘estados pontificios’) pasan a mans do bispo de Roma.

en Sicilia os musulmáns tentan entrar en Siracusa pero deben deterse ante un brote de peste e retirarse.

Carlos Martelo non é capaz de someter totalmente Baviera, que queda baixo a autoridade de Hugbert, que debe aceptar a soberanía franca sobre Ingolstadt e Lauterhofen e a parte occidental do Nordgau.

Yahyá, emir de al-Andalus, é substituído por Hudayfa, á súa vez substituído pouco despois por Utmán.

León III nomea novo exarca de Ravenna a Eutychius para pacificar Italia coa propia Ravenna en mans lombardas. Chega a Neapolis pero non dispón de tropas. Fracasa un complot seu para asasinar a Gregorio II mediante un sicario.

Thrasamundo II de Spoleto e Romualdo II de Benevento están en aberta rebelión contra Liutprando.

Wasil ibn Ata, discípulo de Hasan al-Basri, funda o mutazilismo, rompendo co islam ortodoxo: nega a concepción divina do Corán e condea como politeísmo o dogma da trindade. Defende o libre albedrío en contraposición á crenza divina na providencia.

727

tremises de Liutprando
www.datuopinion.com

revolta en Grecia que remata coa proclamación de Cosmas como basileus. Parte unha flota cara Constantinopla ao mando de Agallianos Kontoskeles, mais o exército imperial odia os monxes e é maioritariamente partidario da iconoclastia. A marina imperial e o lume grego acaban de xeito doado coa flota rebelde e León III redobla o impulso da reforma en Grecia e Asia Menor; de paso, confisca moitas riquezas dos mosteiros, derrogando os seus privilexios.

Theudebaldo acosa a Pirmin, por odio a Carlos Martelo, protector seu.

asedio musulmán de Nicaea: forzas baixo Mu'awiya ibn Hisham, fillo do califa, penetran en Asia Menor e saquean a cidade fortaleza de Gangra, mais non poden con Nicaea.

tamén se producen revoltas en Italia contra a iconoclastia. O resultado é a independencia do exarcado, logo de que unha forza imperial se perde nunha tormenta no Adriático e o resto das forzas son vencidas.

Liutprando aproveita os problemas imperiais para conquistar Bologna e outras cidades no val do Po, incluso Classis, porto de Ravenna, e saquea a Pentapolis.

os jázaros rexeitan a invasión musulmá de Maslama ibn Abd al-Malik en Mesopotamia; mais reforzado por tropas sirias, Maslama contraataca e toma Xeorxia, establecendo a fronteira norte no Cáucaso.

Gregorio II condea a iconoclastia, e Italia rompe co imperio, converténdose no gobernante temporal da maioría das posesións bizantinas.

inicio de ataques musulmás contra Sicilia.

722

Bonifacio tala o 'Donareiche'
Bernhard Rode, 1781
www.de.wikipedia.org

Carlos Martelo volve atacar os saxóns.

Radbod expulsa a Bonifacio de Frisia, que viaxa onde Gregorio II.

febreiro – marzo: os jázaros penetran en Armenia e derrotan tropas umayyad.

agosto, 21: al-Jarrah al-Hakami arrasa a capital jázara. O groso das tropas jázaras agóchase na estepa e al-Jarrah retrocede a Warthan, ao sur do Cáucaso.

novembro, 30: Bonifacio é consagrado bispo en Roma e regresa ao norte para proseguir a reorganización eclesiástica da zona. Traballa baixo a protección de Carlos Martel en Hesse e Turinxia.

o duque Luitfrido I de Alsacia conquista os territorios ao leste do Rhin.

Ine de Wessex tenta apoderarse de Dumnonia pero ten que retroceder. A raíña Aethelburg, muller de Ine, destrúe o castelo real para que non sexa tomado polos rebeldes comandados por Ealdbert.

batalla de Allen: en Hibernia entre os Laigin, dirixidos polo rei Murchad mac Brain Mut, e as forzas de Fergal mac Máele Dúin, rei maior de Hibernia.

batalla de Hehil: os saxóns do oeste son derrotados por un exército combinado de viquingos e britanos en Cornovii en Cornwall.

718

representación do asedio de Constantinopla
versión búlgara da Crónica de Manasses, s. XIV
en.wikipedia.org 

primaveira: un flota de subministración baixo as ordes de Sufyan chega ás costas bizantinas procedente de Exipto e Tunis, tratando de camuflarse na costa. Os bizantinos averiguan a localización da flota por medio de mariñeiros exipcios cristiáns. León III envía a flota imperial e destrúen co lume grego os barcos inimigos no mar de Mármara e capturan as subministracións na costa, negándolle algo vital ao exército invasor. En terra, os bizantinos destrúen un exército árabe nunha emboscada nas colinas arredor de Sophon, ao sur de Nicomedia. Os árabes inda sofren pestes e fame.

xuño, 3: eclipse solar total visible en Hispania, Tunis e Exipto.

agosto, 15: León III alíase co khan búlgaro Tervel e derrota os musulmáns no lado occidental do Bósforo. Morren entre 22000 e 32000 musulmáns durante os ataques. Umar II é obrigado a levantar o asedio despois de 13 meses. O exército musulmán intenta retirarse a través de Anatolia mentres o resto escapa por mar nos barcos que quedan. A flota árabe sofre baixas ante as tormentas e a erupción do volcán do Thera. Segundo fontes árabes, morren 150000 musulmáns na campaña.

batalla de Soissons: Chilperico II de Neustria e o seu mordomo Ragenfrido alíanse con Eudes, duque de Aquitania, e marchan cara Soissons, na Picardía. Un exército de veteráns francos ao mando de Carlos Martelo derrota os neustrios, que se renden. Chilperico II foxe ao sur do Loira e Ragenfrido a Angers. Carlos decide diplomaticamente non executar os líderes inimigos e convértese no dux francorum indiscutido, finalizando a guerra civil franca.

Paío négase a pagar tributo aos musulmáns. Al-Hurr envía un continxente contra el comandado por al-Kamma. Ten lugar, ao parecer, a ‘batalla de Covadonga’, que remata coa derrota musulmá, nun lugar de difícil acceso. Debeu ser unha escaramuza menor, mais posteriormente magnificada. Paío casa a Ermesinda, filla súa, con Afonso, fillo de Pedro de Cantabria, forxando unha alianza contra os musulmáns.

Fernando Arias, quizás compañeiro de Paío en Covadonga, é señor de Deza e destacado nobre galego.

traslado das escolas cristiás de filosofía e medicina de Alexandría, que xa perderan a súa anterior potencia e preponderancia dende o momento en que se fundou a islámica cidade de Cairo. Isto causará a perda de moitas lembranzas e a confusión de Xoán o Gramático (s. VI), a quen se lle deben importantísimos Comentarios a Aristóteles, co médico homónimo do s. VII.

Carlos Martelo penetra en Saxonia ata o Weser, arrasando todo ao seu paso, en resposta ao ataque saxón aos hatuari. En Colonia, Plectruda cédelle o tesouro de seu pai e retírase a un convento. Despois de vencer ao seu medio irmán Theodebaldo, Carlos faise mordomo de palacio de Austrasia e goberna en nome de Clotario IV.

Osric, rei de Northumbria, logo da morte de Coenred.

compílase o código Yoro, que da nome á era actual.

Liutprando forxa unha alianza con Carlos Martelo e ataca os castelos bávaros no río Adige, mantendo o control estratéxico dos pasos alpinos.

inicios da loita inconoclasta entre León III e o patriarca Germanos I.

o sushi é mencionado por primeira vez nun documento oficial xaponés.

Bonifacio, misioneiro nado en Wessex, chega a Roma, onde Gregorio II o manda a Saxonia para tentar converter aos saxóns.

Hugh de Champaña, curmán de Carlos Martelo, profesa como abade no mosteiro de Jumièges, en Normandía.

Bilge Kaghan envía unha embaixada para negociar a paz con China. Xuan Zong rexeita a demanda e ordena atacar.

os reis de Boukhara, Samarcanda, e Balkh solicitan axuda chinesa ante o avance musulmán.

715

moeda coa efixie de Teodosio III
es.wikipedia.org

febrero, 23: morre al-Walid I, sucedido por Sulayman ibn Abd al-Malik.

Tariq e Musa son obxecto de graves acusacións en Damasco e non poden volver a al-Andalus.

Bactriana, Samarcanda e Fergana reciben axuda Xuan Zong e conteñen os avances de Sulayman.

abril, 9: o bispo Constantino I morre en Roma.

maio: Anastasio II inicia reformas militares pero varios xenerais rebélanse e asedian a capital. Anastasio II acobárdase e retírase a un mosteiro.

as tropas de Rhodas nomean basileus a Teodosio III, outro funcionario. Impera a anarquía.

maio, 10: tratado comercial entre Luitprando e o porto de Comacchio. Regúlase o comercio da sal. Demostrase que a vila relaciónase co Levante.

maio, 19: Gregorio II, bispo de Roma.

xuño, 24: morre Dagoberto III. Ragenfrido e Plectruda non coronan ao fillo de Dagoberto III, Teuderico IV, e colocan no trono a Chilperico II, fillo do anterior rei Childerico II, supostamente recluído nun mosteiro á morte de seu pai.

Carlos Martelo escapa e ponse á fronte de Austrasia e obriga a Plectruda a recoñecelo como mordomo de palacio de Austrasia. Derrota a Neustria.

o mordomo de palacio de Neustria Raganfrido alíase cos frisóns de Ratbod contra Carlos. Os saxóns pasan a fronteira.

agosto, 11: Germanos I, novo patriarca de Constantinopla, elixido por Teodosio III. Organiza un concilio no que promove of dyothelitismo e tenta mellorar relación coa igreza apostólica armenia.

setembro, 26: Theudoaldo, mordomo de Neustria, é derrotado por Raganfrid que o vence na batalla de Compiegne.

Antenor de Provenza tamén se desliga do reino franco. O bispo Savarico de Auxerre logra impoñerse en Orleáns, Nevers, Avallon e Tonnere.

Qutaiba ibn Muslim rebélase en Khorassan contra os umayyad pero é derrotado e morto.

Genshō, 44º emperador de Xapón, en sucesión de Gemmei.

Milo, sucede a seu pai Liutwin como bispo de Treverorum.

contraofensiva chinesa dirixida por Ming Huang contra os musulmáns en Fergana; ocupan Tachkent e logra que se rebelen Bukhara e Samarcanda.

batalla de Wooden’s Burg: os reis Ine de Wessex e Ceolred de Mercia enfróntanse.

o rei Nechtan mac Der-llei convida os cregos de Northumbria para establecer o cristianismo entre os pictos.