686

Conon, bispo de Roma
en.wikipedia.org

morre Waratton, mordomo de Neustria e Burgundia, sucedido polo seu xenro Berthario, que aconsella a Theuderico III romper o tratado con Pipino de Heristal e atacar Austrasia.

Caedwalla de Wessex establece a súa supremacía sobre Essex e invade Kent por segunda vez. Eadric é expulsado e substituído por Mul, irmán de Caedwalla. Berthun e Andhun son asasinados e Sussex acaba sendo vasalo de Wessex.

abril, 3: Yuknoom Yich’aak K’ak’ sucede a seu pai Yuknoom Ch’een II no trono da cidade maia de Calakmul.

Caedwalla conquista Surrey e extermina os xutos de Wight, executa o rei Arwald e os seus dous irmáns. Caedwalla tamén somete os xutos da rexión do val do Meon.

Ubayd Allah ibn Ziyad, anterior gobernador de Mesopotamia, tenta retomar o control da súa provincia, en poder de varias tribos musulmás da rexión de Kufa que combaten entre si.

Abd al-Malik ibn Marwan apresa e tortura o patriarca Mar Khnanishu I; é o primeiro califa que esixe tributos aos cristiáns.

agosto, 2: Xoán V morre en Roma.

outubro, 1: morre Tenmu de Xapón, sucedido pola súa viúva (e sobriña), a emperatriz Jitō.

outubro, 21: inicio do pontificado de Conon como bispo de Roma. Theodoro II é elixido como ‘antipapa’.

outubro, 25: o príncipe Ōtsu, fillo de Tenmu, é falsamente acusado de traizón e obrigado a suicidarse xunto coa súa dona Yamanobe.

unha peste mata a case todos os monxes do mosteiro bieito de Monkwearmouth en Jarrow; sálvanse so o abade Ceolfrith e un mozote, de nome Beda.

Wilfrid, bispo de Eboracum, é novo conselleiro de Caedwalla e é enviado a Wight a cristianizar a poboación.

ofensiva musulmá contra os bérberes en Africa.

accións iconoclastas en Exipto; as igrexas deben ser gravadas con inscricións musulmás.

685

Xustiniano II
es.wikipedia.org

febreiro, 5: Clotario de Kent vencido e morto polo seu sobriño Eadric, que se apropia do poder coa axuda de Sussex.

maio, 7: morre Marwan I, sucedido polo seu fillo Abd al-Malik, que reorganiza a administración, tanto civil como militar, nos territorios que controla tentando colocar árabes en todos os postos relevantes.

maio, 8: morre Bieito II e sucédeo Xoán V que aproveita o baleiro provisional da sucesión en Constantinopla para comezar a exercer sen a autorización imperial.

os pictos rebélanse contra Northumbria. Cuthbert, bispo de Lindisfarne, aconsella non invadir o territorio inimigo pero Ecgfrith desóeo e chega a Dunnincen.

maio, 20: batalla de Dun Nechtain, na que Bridei III mac Bili, rei picto, derrota e mata a Ecgfrith e os anglo-saxóns deben retroceder ata o río Forth.

Ecgfrith é sucedido por Aldfrith, medio irmán seu, que sae de Iona, onde profesaba.

Kuber, irmán de Asparukh, derrota os avaros en Pannonia, e diríxese con 70000 búlgaros cara Macedonia.

batalla de ‘Ayn al-Warda: un exército umayyad (20000 homes) baixo Husayn ibn Numayr derrota a Ras al-‘Ayn en, partidario dos xiítas de Kufa.

Wu Zetian exila a Zhong Zong e a súa familia na illa de Fang Zhou.

Wu Zetian envía unha parella de pandas xigantes ao emperador Tenmu.

setembro: morre Constantino IV Pogonato en Constantinopla de disentería, sendo sucedido por seu fillo Xustiniano II (17 anos), que toma iniciativas en política exterior: asina unha nova paz cos musulmáns para poder centrarse no problema eslavo e mellora a relación cos jázaros, casando cunha princesa desa etnia; tamén se inician labores de repoboación en rexións despoboadas a causa das guerras.

Xoán Maron, primeiro patriarca maronita, un novo cisma na igrexa a raíz do sucedido no concilio ecuménico de Constantinopla.

Eadric rebélase contra Hothlere, tío seu; vénceo e mátao.

Caedwalla, sucesor de Centwine de Wessex. O novo rei reunifica os territorios e ataca cun gran exército Sussex e mata o rei Aethelwealh na batalla de South Downs. É expulsado por Berthun e Andhun, ealdormen de Aethelwealh, que reinan en Sussex xuntos. Caedwalla ataca agora Kent e logra levarse un gran botín cando se retira.

outubro, 18: rebelión xiíta en Kufa encabezada por Mukhtar al-Thaqafi.

Hassan ibn an-Nu’man, comandante musulmán en Africa.

os musulmáns logran controlar a revolta de Kabul matando ao principal dirixente rebelde.

Gregorios I Mamikonian, príncipe de Armenia, morre en combate contra os jázaros, que invaden o norte do país. Achot II Bagratouni é designado sucesor polo califa.

revolta dos kharidjitas, que elixen califa a Nagdah ibn Amir, que controla o leste de Arabia.

erupción do Vesubio.