713

'sólido' coa efixie de Anastasio II, emperador

febreiro, 18: primeiras leis de Liutprando.

febreiro, 28: tremor de terra en Syria.

os árabes dominan o sur de Hispania, excepto a zona controlada por Teodemir (actuais provincias de Alicante e Murcia aproximadamente), que pacta en Orihuela (abril, 5) unhas capitulacións con Abd al-Azid, fillo de Musa, conservando autonomía política a cambio de pagar tributos.

xuño, 3: Philippicus Bardanes perde o seu prestixio e é capturado por soldados do Opsikion en Thracia, cegado e abandonado no hipódromo baleiro. Elixen basileus a Anastasius II, un alto funcionario, que restaura a orden e executa a todos os oficiais sospeitosos de participar na conxura contra o seu antecesor.

Ealdwulf sucede a Aelfwald en East-Anglia.

xuño, 30: ocupación de Emerita. O emir Musa ibn Nusayr, marcha cara Toletum, onde conflúe con Tariq ibn Ziyad.

morre o cuarto imam, Ali Zain al-Abidin e os xiítas divídense: os zaiditas elixen a Zaid ibn Ali e os ismailitas a Muhammad al-Baqir.

tropas baixo al-Abbas ibn al-Walid, fillo do califa al-Walid I, saquean Antioquía en Pisida, que nunca se volve recuperar.

tropas godas (quizás ao mando de Roderico, reaparecido) son derrotadas na batalla de Segoyuela.

as revoltas nas cidades do sur de Hispania son reprimidas sen problemas.

Xuan Zong vence unha loita de poder contra súa irmá, a princesa Taiping, executa moitos partidarios dela e obrígaa a suicidarse.

publicación do primeiro xornal do que se ten constancia escrita, en seda, o Kaiyuan Za Bao (‘boletín da corte’).

712

moeda de Liutprando
www.deamoneta.com

xaneiro, 28: componse Kojiki, a crónica escrita máis antiga de Xapón.

marzo: Ariperto II é vencido cerca de Ticinum por Ansprando, que volve do exilio. Ariperto II morre afogado mentres tenta fuxir a Gallia co seu tesouro.

xuño, 10: batalla de Raor.

xuño, 12: morre Ansprando e é sucedido polo seu fillo Liutprando.

Musa ibn Nusayr desembarca en Hispania con 18000 homes (bérberes e árabes) e, ao comprobar os problemas internos do reino godo decide conquistarlo. Rompe a alianza con Akhila, ataca cidades da Baetica teóricamente aliadas. Conquista Hispalis logo dun duro asedio de tres meses e asedia Emerita.

Pipino de Heristal derrota os alamanos.

Philippicus Bardanes vence os búlgaros, que baixo Tervel chegan ata os muros de Constantinopla.

Qutayba ibn Muslim inicia a conquista definitiva de Transoxiana: Samarcanda, Khârezm. Os T’ou-kiue interveñen. Ocupan Sogdiana. Ataca e ocupa Tachkent e Fergana, de onde foxe o rei e solicita o auxilio chinés.

Philippicus Bardanes transfire armenios a Melitene, Anatolia.

setembro, 8: Rui Zong abdica no seu fillo Xuan Zong (27 anos). Establece o seu control sobre os vales do Oxus e o Jaxarte. Durante o seu reinado derrota os exércitos árabes invasores nunha serie de campañas en Fergana.

Dae Jo-yeong de Balhae volve a pagar tributo aos Tang. Os pobos Tai son obrigados a aceptar a soberanía chinesa.

Johannes VI, patriarca de Constantinopla, sucedendo a Kyros.

Paio, fillo dun alto dignitario de Exica é capturado en Corduba.

711

representación da batalla de Guadalete
es.wikipedia.org
Martínez Cubells

o casamento do fillo de Pipino de Heristal, Grimoaldo, con Theudesinda, filla do rei frisio Radbod consolida as relacións entre francos e frisios.

abril, 23: morre Childeberto III e sucédeo Dagoberto III, fillo seu e menor.

abril, 27: tras meses de preparativos, Musa ibn Nusayr envía a Hispania un exército moito maior ao mando de Tariq ibn Ziyad (7000 homes), que desembarca nun promotorio (logo denominado Gebel al-Tariq, na súa honra). Derrota un sobriño de Roderico, ao mando dun pequeno continxente. E logo parten cara Hispalis, onde o bispo era irmán de Witiza e contan co seu apoio.

Roderico está no norte loitando contra os vascos, que apoian a Akhila. Marcha cara o sur e chega a Corduba, de onde, tras descansar oito días, sae para facer fronte aos musulmáns.

reconstrución do templo Hōryū-ji en Xapón.

xullo, 19: a batalla acontece onde o Guadalete, próximo a Cadiz. Unha parte das tropas godas deserta no propio campo de batalla e os musulmáns vencen a Roderico, que desaparece.

Tariq envía destacamentos a capturar Corduba e Hispalis.

outubro: Toletum abre as súas portas aos vencedores.

novembro, 4: Philippicus Bardanes provoca unha rebelión de Quersonea coa axuda dos xázaros. Xustiniano II sae de Constantinopla cara a Crimea pero Philippicus derrótao no norte de Anatolia e entra en Constantinopla, onde é proclamado basileus e Xustiniano é executado (decembro, 11).

logo do saqueo dun barco árabe por parte de piratas cerca da boca do Indus, árabes sirios baixo Mohammed ben al-Qasim invaden Sind, en India, con 10000 homes e 6000 cabalos, establecendo un sultanato. Qasim envía expedicións a Surashtra, onde establecen asentamentos pacíficos cos Rashtrakuta.

Mohammed caputra Multan logo dun longo asedio e saquea Punjab.

Theudebert, duque de Baviera.

Toniná, cidade maia ataca Palenque e fai prisioneiro a K’inich K’an Joy Chitam II. No seu lugar entronizan a un tal Xok.

a derrota goda fai que a comunidade xudía poida volver a manifestarse como tal.

o sur da baixa Saxonia sofre enormes inundacións.

Philippicus Bardanes, monotelista, provoca rexeitamento en Italia.

decembro: Theodora, a emperatriz bizantina, escapa con Tiberio (seis anos), fillo de Xustiniano II, a un santuario pero Philippicus envía soldados que o sacan de alí e o executan inmediatamente logo de quitalo do recinto sagrado.

Ansprando, duque de Asti, regresa do exilio a Italia cun gran continxente bávaro. Únenselle moitos austriacos.

Berhfrith dirixe unha campaña contra os pictos e derrótaos en Manaw Gododdin.

as tropas bizantinas amotínanse e matan ao exarca Xoán Rhizocope en Ravenna e elixen un xefe propio.