v. consecuencias da dominación romana. nacemento de Xesús

acueducto de Segovia

034. Poderío de Roma. Os romanos, que tiñan herdado a civilización e culto dos gregos, chegaron a constituír o pobo máis poderoso e culto do mundo antigo.

Nos 614 anos que durou a dominación de Roma en España, a nosa Patria progresou en gran maneira, así en agricultura, como en industria, comercio, artes ciencias e letras.

035. Vías de comunicación. Os romanos construíron camiños admirables: un deles chamado vía Augusta, saía de Roma e pasaba por Girona, Barcelona, Tarragona, Zaragoza, León e Galicia; outra vía unía as cidades de Córdoba, Sevilla, Xerez e Cádiz; outras varias, poñían en comunicación as cidades máis importantes e distanciadas da Península.

arco de Bará

036. Acueductos. Os romanos construíron acueductos sorprendentes, que inda admiramos, como os de Segovia e Tarragona.

037. Arcos de triunfo, circos, pontes e templos romanos. En moitas provincias españolas consérvanse arcos de triunfo; ruínas de baños, foxos, pazos e circos; templos que erixían aos seus falsos deuses, e non poucos vestixios que demostran a altura que chegou a alcanzar a civilización romana.

038. A agricultura. O chan español rendeu, durante a dominación, unha cantidade fabulosa de trigo, cebada e outros cereais, de tal xeito, que se chamaba a España o celeiro de Roma.

Cultivaron a vide e obtiveron viños excelentes: o noso aceite era abundante e o mellor do mundo, e a cochinilla de Andalucía, para facer a púrpura, chegouse a pagar a prezos fabulosos.

teatro romano de Mérida

Tantos e tan ricos produtos deron lugar a un comercio moi activo, que se verificaba, principalmente, polos portos de mar de Cádiz, Málaga, Cartaxena, Tarragona e Barcelona.

039. Artes e oficios. En tempo dos romanos, as artes e os oficios tiveron vida tan próspera, que deron a España a máis alta reputación.

En Asturias, Galicia e Cataluña había grandes fábricas de tecidos de fío; Xátiva, Mérida e Córdoba, as tiñan de manteis, servilletas e panos; Tarragona, Córdoba e Mérida eran notables en ferrerías e alfarerías; as minas explotáronse con gran actividade, e os soldados non empregaban outras armas que as fabricadas en Calatayud.

040. A lingua latina. A lingua latina foi o idioma nacional dos españois, pois os romanos impuxérona ata como idioma popular.

"españois" célebres da Idade Antiga

Tanto chegou a influír España na cultura e civilización de Roma, que, a finais do imperio romano, os mellores poetas, prosistas, pensadores e satíricos; os máis grandes agrónomos e xeógrafos eran naturais da Península.

041. Nacemento de Xesús. Reinando en Roma o emperador Octavio César Augusto, naceu en Belén O Noso Señor Xesús Cristo.

042. A Nosa Era. O nacemento de Xesús serve de inicio para contar os anos da nosa Era. As datas correspondentes a feitos acaecidos antes, cóntanse, inversamente, por anos a.C.

a "súa" historia de España