247. Que distinguiu os
reinados dos primeiros Borbóns. A nota que distinguiu os reinados dos catro primeiros reis da casa de
Borbón, foi a súa tendencia absolutista: favoreceron o desenvolvemento da
agricultura, da industria, do comercio e da cultura do país, pero procuraron
diminuír os privilexios da Igrexa.
248. Obras públicas. Durante o reinado de Carlos III,
termináronse os canais de rego de Aragón e de Tauste: fíxose o importantísimo
pantano de Lorca; construíuse o porto dos Alfaques; levantáronse grandes
edificios, e destináronse cuantiosas sumas á construción e recomposición de
camiños e pontes.
249. Os costumes. Coa chegada dos Borbóns, os costumes
españois experimentaron unha radical transformación.
 |
| españois célebres do s. xviii |
Ennobreceuse o traballo manual, considerándoo
xustamente como fonte de dignidade e riqueza; perseguiuse a mendicidade e a
vagancia; instituíronse premios ao traballo e a virtude; prohibiuse o luxo
desmedido, e, entre outras cousas, as guerras fixéronse menos crueis.
250. A ilustración. Os intereses morais da nación non foron
esquecidos polos catros primeiros monarcas da casa de Borbón: fundaron gran
número de escolas, seminarios conciliares, seminarios para mestres, Reais
Academias, Museos, Bibliotecas, Observatorios Astronómicos, Xardíns Botánicos e
outros centros de instrución.
Con tales medios de cultura formáronse botánicos
eminentes, médicos moi reputados, físicos ilustres, xeógrafos, matemáticos, …,
moitos sabios, en fin, que honraron o nome de España, así en Europa como en
América.
251. As letras. Inda que as letras non floreceron como as
ciencias, fundáronse algúns periódicos e revistas, que difundiron os adiantos
doutras nacións e contribuíron a levantar o nivel cultural da nación.
Brillaron algúns poetas, autores dramáticos,
fabulistas eminentes, historiadores, algún novelista, críticos reputados e
algunhas mulleres, entre elas a doutora Dona
Isidra de Guzmán y La Cerda, a primeira dama a quen admitiu no seu seno a
Academia da Lingua.
252. As artes. Nas
Belas Artes, operouse o mesmo renacemento que nas letras: brillaron algúns
pintores, entre eles o inmortal Goya; houbo algúns escultores notábeis, e
tampouco faltaron arquitectos que souberan imprimir ás súas creacións beleza e
severidade.
a "súa" historia de España
Ningún comentario:
Publicar un comentario